भाजप नेत्यांच्या विश्वासाला पात्र ठरलेला जतच्या राजकारणातील उगवता चेहरा..
– तम्मनगौडा रविपाटील
तम्मनगौडा रविपाटील हे तालुक्यातील उच्चशिक्षीत व तरुण नेते आहेत. भाजपने या युवा नेतृत्वावर विश्वास ठेवून त्यांना जत विधानसभा मतदारसंघाच्या निवडणूक प्रमुख पदांची जबाबदारी सोपवली आहे. त्याचबरोबर त्यांना भारत सरकारच्या राष्ट्रीय रस्ते सुरक्षा समितीवर सदस्य म्हणून संधी दिली आहे. अगदी तरूण वयात देशपातळीवर पोहोचलेले ते जत तालुक्यातील एकमेव नेते आहेत. देशाचे महामहीम राष्ट्रपती ते सामान्य नागरिकांपर्यंत ज्यांची नाळ जोडली आहे, अशा प्रतिभावान नेत्यांचा आज वाढदिवस, त्यानिमित्त त्यांना कोटी कोटी हार्दिक शुभेच्छा…
राजकारणावर हुकूमत व पकड असलेला युवा नेता म्हणून त्यांचा लौकिक आहे. भाजप दिलेली संधी व जबाबदारीचे त्यांनी सोने केले आहे. जत विधानसभा निवडणूक प्रमुख पदांची सूत्रे हाती घेतल्यानंतर राज्यातील पहिल्या वाररूमचे जत तालुक्यात उद्घाटन केले. मोदी @9 अभियानाच्या माध्यमातून पक्षाला बळकटी देण्याचे काम सुरू केले आहे.
तम्मनगौडा रवीपाटील यांना कमी वयात जिल्हा परिषदेचे सभापती होण्याचा बहुमान मिळाला. शिक्षण, आरोग्य व क्रीडा या अत्यंत महत्वाच्या खात्यांचा कारभार ते पारदर्शी पध्दतीने केला आहे. त्यांचा भाजपचे निष्ठावंत नेते असा लौकिक आहे. अल्पावधीत तालुक्याच्या राजकारणावर त्यांनी आपली पकड मजबूत केली आहे. केंद्रीय नेते, मंत्री नितीन गडकरी, नारायण राणे, महाराष्ट्राचे उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, पक्षाचे पदाधिकारी यांच्याशी घनिष्ठ संबंध आहेत. जिल्हाचे खासदार संजयकाका पाटील, आमदार गोपीचंद पडळकर, जिल्हाध्यक्ष निशीकांत पाटील, पश्चिम महाराष्ट्राचे नेते मकरंद देशपांडे, शेखर इनामदार यांच्याशी मैत्रीपूर्ण संबंध आहेत. महाराष्ट्र, गोवा व कर्नाटकातील अनेक राजकीय नेते, धार्मिक संत पुरूष, उद्योजक यांच्याशी त्यांचे ऋणानुबंध आहेत.
तम्मनगौडा ईश्वराप्पा रविपाटील यांचा जन्म जत तालुक्यातील जाडरबोबलाद गावी दि. २५ ऑगष्ट १९८२ रोजी झाला. बी. कॉम., एम.बी.ए असे शिक्षण त्यांनी घेतले. शेती व व्यवसाय शैक्षणिक संकुल असा मोठा व्याप असूनही त्यांनी घराण्याची परंपरा कायम ठेवून राजकारणात प्रवेश केला आहे. जतच्या राजकारणात अनेक घराण्यांचा प्रभाव आहे. त्यापैकी एक आहे, जाडरबोबलाद येथील रविपाटील घराणे. त्यांना सावकार म्हणूनही ओळखले जाते. या घराण्यातील सिद्रामप्पा रवि हे जत पंचायत समितीचे उपसभापती होते. तर ईश्वराप्पा रवि हे जिल्हा परिषद सदस्य होते. सिद्रामप्पा रवि यांचे सुपुत्र शिवाप्पा उर्फ पंपू रवि हे पंचायत समिती सदस्य होते. अनेक वर्षांपासून या परिसरात वर्चस्व असलेले हे घराणे आहे. मोठा लोकसंग्रह, तालेवार शेतकरी, लोकांना सर्वोतोपरी मदत करण्याचा स्वभाव त्यामुळे आजही त्यांचा तालुक्यातील राजकारणात प्रभाव आहे. राजकारण, समाजकारण, शिक्षण या सर्वच क्षेत्रात त्यांनी भरीव कार्य केले आहे. महादुष्काळाच्या काळात संपूर्ण तालुक्यातील शेतकऱ्यांची तगई एकट्या सिद्रामप्पा यांनी भरली होती. सरकार दरबारी व जत राजपरिवारात त्यांना मोठा मान होता.
तरूण वयात तम्मनगौडा हे जाडरबोबलाद जि. प. मतदार संघातून २०१७ साली भाजपचे जिल्हा परिषद सदस्य म्हणून निवडून आले. त्यांना जिल्हा परिषदेच्या आरोग्य, शिक्षण व क्रीडा या विभागाच्या सभापतीपदाचा बहुमान मिळाला. या दोन्ही महत्वाच्या अस्थापनांची धूरा त्यांनी यशस्वीपणे सांभाळली. आरोग्य केंद्रे व शाळांत अनेक सुविधा त्यांनी निर्माण केल्या. ऊर्जा निर्मितीत शाळा स्वयंपूर्ण बनविण्याचा त्यांचा उपक्रम होता. स्वच्छ पिण्याच्या पाण्याची सोय, डिजीटल क्लासरूम, पहिलीपासून इंग्रजी हे उपक्रम त्यांनी राबविले. जाडरबोबलाद येथे प्राथमिक आरोग्य केंद्र मंजूर करून अत्याधुनिक इमारत उभारणी केली आहे. मुचंडी व कुंभारी प्राथमिक आरोग्य केंद्रे, अनेक उपकेंद्रांना मान्यता दिली.
उपमुख्यमंत्री देवेंद्र फडणवीस, मंत्री चंद्रकांत पाटील, प्रदेशाध्यक्ष चंद्रशेखर बावनकुळे यांच्याशी त्यांचे सलोख्याचे संबंध आहेत. भाजपने त्यांच्या कार्याची विशेष दखल घेतली आहे. तरुण सभापती म्हणून त्यांनी आपल्या कार्याचा ठसा उमटविला आहे. जाडरबोबलाद, सोन्याळ, अंकलगी व बालगाव या चार गावांसाठी त्यांनी ९ कोटी ९६ लाख रूपयांच्या राष्ट्रीय पेयजल योजना मंजूर केल्या आहेत. रस्ते, शाळांच्या इमारती, प्राथमिक आरोग्य केंद्राच्या इमारतीसाठी मोठा निधी आणला आहे. तालुक्यात नवी प्राथमिक आरोग्य केंद्रे सुरू करण्यासाठी ते प्रयत्नशील आहेत.
जत तालुक्यात केंद्र सरकारच्या लघु व सुक्ष्म उद्योग मंत्रालयाकडून 30 कोटी रुपयांचे बेदाणा क्लस्टर मंजूर करण्यात आले आहे. त्याची उभारणी अंतिम टप्प्यात आहे. जत तालुक्यात युरोपच्या धर्तीवर बेदाणा निर्मिती व द्राक्ष शेती करण्याचा त्यांचा मानस आहे.
![Rate Card](http://sankettimes.com/wp-content/uploads/2023/08/Sanket_SANKET_MAI_20230729_3_1_.jpeg)
मा. श्री. तम्मनगौडा ईश्वरप्पा रविपाटील परिचय
▪️भाजप, निवडणूक प्रमुख, विधानसभा मतदारसंघ, जत: २८८
▪️महाराष्ट्र राज्यातील पहिल्या वाररूमचे जत येथे उद्घाटन
▪️मोदी @9 अभियान अत्यंत प्रभावीपणे राबविले.
सदस्य: राष्ट्रीय रस्ते सुरक्षा समिती, भारत सरकार, नवी दिल्ली
▪️ जत तालुक्यातील बालगाव येथे केंद्र सरकारच्या लघु व सुक्ष्म उद्योग मंत्रालयाकडून ३० कोटी रुपयांचे बेदाणा क्लस्टर मंजूर व प्रत्यक्ष उभारणीस सुरूवात
▪️देशाच्या महामहीम राष्ट्रपती द्रोपदी मुर्मू यांची भेट, जत तालुक्यातील विविध प्रश्न मांडले.
▪️बेदाणा व द्राक्ष शेतीसाठी युरोपीय देश टर्की देशाचा अभ्यास दौरा
▪️भारत सरकारच्या रस्ते वाहतूक व महामार्ग मंत्रालयाच्या राष्ट्रीय रस्ते सुरक्षा समितीवर सदस्य म्हणून निवड
शिक्षण: बी.कॉम, एमबीए
पत्ता:
मु.पो. जाडरबोबलाद, ता. जत, जि. सांगली.
कौटुंबिक पार्श्वभूमी
आजोबा: कै. सिद्रामाप्पा शिवप्पा रविपाटील गावचे सलग १५ वर्षे सरपंचपद भूषविले. लोकल बोर्ड सांगलीचे सदस्य.
सांगली जिल्हा परिषदेचे सदस्य.
वडील: मा. ईश्वरप्पा चनबसप्पा
रविपाटील,
जिल्हा परिषद सदस्य
जाडरबोबलाद विकास सोसायटीचे चेअरमन.
गजानन शिक्षण संस्थेचे उपाध्यक्ष.
२००७-१२ सांगली जिल्हा परिषद सदस्य :
चुलते: श्री. शिवाप्पा सिद्रामाप्पा रविपाटील
संस्थापक अध्यक्ष: श्री गजानन शिक्षण संस्था. जाडरबोबलाद.
चेअरमन: विविध कार्यकारी सोसायटी.
सांगली जिल्हा परिषद सदस्य
चुलत भाऊ: श्री. मल्लिकार्जुन चंद्रशेखर रविपाटील
जाडबरबोलाद माजी सरपंच.
आई : सौ. दानम्मा ईश्वरप्पा रविपाटील, माजी सरपंच : ग्रामपंचायत, जाडरबोबलाद.
*जिल्हा परिषद आरोग्य समिती सभापती म्हणून कार्यरत असताना केलेल्या विविध विकास कामाचा आढावा.*
■ दुर्धर आजारी २७५ बालक नवजीवन व २ बालकांवर २५ लाखांची शस्त्रक्रिया केली.
■ जत तालुक्यात आरोग्य शिबीर, कुष्ठरोग मोहिम या सारखे अनेक लोकोपयोगी उपक्रम राबविले. – रुग्णांची गौरसोय टाळण्यासाठी जिल्हा प्राथमिक आरोग्य केंद्रांमध्ये कंत्राटी डॉक्टर नेमण्याचा निर्णय घेतला.
तालुका स्तरावर जनरीक औषध स्टोअर सुरु करण्याचा निर्णय. मुख्यमंत्री सहाय्यता निधीसाठी योग्य पाठपुरावा करुन अनेक रुग्णांना कोट्यवधींचा मदत
मिळवून दिली. – प्रधानमंत्री मातृवंदना योजने मध्ये जिल्हा १० कोटींपेक्षा जास्त लाभार्थ्यांना लाभ मिळवून दिला.
, बेटी बचाओ बेटी पढाओ अभियान केळी राबवले.
समाजकार्य :
. गुड्डापुरमध्ये सर्व जाती धर्माच्या २१ जोडप्यांचा सामुदायिक विवाह सोहळा उत्साहात केला.
■ जत तालुक्यात वादळी वाऱ्यामुळे वीज पडून मृत्युमुखींच्या कुंटुंबास आर्थिक मदत.
बालगाव, ता. जत येथे गुरुदेव आश्रमात एक लाख दहा हजार योगप्रेमींनी सहभाग घेतला. या योगशिबीराचे ‘लिमका बुक’ व ‘इंडिया वर्ल्ड’ रेकॉर्डमध्ये नोंद झाली. या शिबीराकरीता विशेष प्रयत्न केले.
• जत तालुक्यामध्ये म्हैसाळ पाणी देण्यासाठी विशेष प्रयत्न केले.
* जिल्ह्यातील शिक्षण व आरोग्य विभागातील रिक्त पदे भरावीत यासाठी सातारा, कोल्हापूर, सोलापूर, पुणे या जिल्हा परिषदमधील सर्व शिक्षण सभापतींना बरोबर घेऊन नागपूर अधिवेशनात तत्कालीन शिक्षण मंत्री विनोद तावडे, ग्रामविकास मंत्री पंकजा मुंडे व मुख्यमंत्री देवेंद्र फडणवीस यांच्याकडे पाठपुरावा केला.
■ दुष्काळी भागात लोकसहभागातून तत्कालीन जिल्हाधिकारी श्याम वर्धने यांचे सोबत वनराई बंधाऱ्याचे बांधकाम केले.
• जाडरबोबलाद सोसायटीच्या चेअरमन पदावर कार्यरत असताना लोकोपयोगी उपक्रम राबविले.
संघटना / संस्थामध्ये प्रतिनिधी :- चेअरमन व संचालक – सर्व सेवा सहकारी सोसायटी, जाडरबोबलाद.
चेअरमन: श्री गजानन बेदाणा क्लस्टर, बालगाव
मुख्य कार्यवाहक श्री गजानन शिक्षण संस्था, जाडरबोबलाद. माजी सभापती- शिक्षण, क्रीडा व आरोग्य विभाग, जिल्हा परिषद सांगली.
संघटनांचा सल्लागार व कार्यक्रम / आंदोलनामध्ये सक्रीय सहभाग :
. पाणी परिषद :- जुलै २००७ मध्ये पाणी परिषद तत्कालीन उपमुख्यमंत्री स्व. आर. आर. (आबा) पाटील, मा.जयंत पाटील, आमदार सुरेश खाडे व श्री. ईश्वरप्पा चनबसप्पा रविपाटील यांचे उपस्थितीत जाडरबोबलाद (ता. जत) येथे.
■ पाणी संघर्ष समितीच्या उमदी पासून सांगली पदयात्रेत सहभागी.
• जत तालुक्यातील ४२ गावे म्हैसाळ योजनेत समाविष्ट होणेसाठी शेतकरी मेळावा. ■ कर्नाटक मधील तुबची बोबलेश्वर योजनेतून जत तालुक्यातील ४२ गावांना पाणी मिळणेबाबत कर्नाटक राज्याचे तत्कालीन मुख्यमंत्री मा. कुमारस्वामी यांना शिष्टमंडळासहीत भेट.
महाराष्ट्र-कर्नाटक आंतरराज्य करारासाठी राज्यपाल यांना शिष्ट मंडळासहीत भेट.
विजापूर (कर्नाटक) जिल्ह्यात सक्रिय.
आजपर्यंत केलेल्या कार्याचा थोडक्यात तपशील :-
जिल्हा परिषद शिक्षण समिती सभापती म्हणून कार्यरत असताना केलेल्या
विविध विकास कामाचा आढावा.
■ विशेष प्रयत्नातून जिल्ह्यातील अनेक जि.प. शाळा डिजीटल शाळा करण्यासाठी योग्य मदत.
• ग्रंथ महोत्सव व विज्ञान प्रदर्शनातून विद्यार्थ्यांना प्रोत्साहन. – दि. १४/४/१८ ‘स्वच्छ सुंदर व आदर्श शाळा’ स्पर्धेचे आयोजन केले.
• आदर्श शिक्षक व गुणवंत विद्यार्थी पुरस्कार.
हंगामी वसतीगृह.
■ सर्व शिक्षण कंत्राटी १५४ कर्मचाऱ्यांना मुदत वाढ दिली.
● शिक्षण संस्था डोनेशन घेणे विरोधात कडक कारवाईची अंमलबजावणी. • जि.प. शाळा २९४ अंशतः अंध मुलांना बालभारतीकडून लार्ज प्रिंट पाठ्यपुस्तके वाटप.
जि.प.शाळा सौर उर्जा योजना २०० शाळांमध्ये कार्यान्वित केली. जि.प. मराठी माध्यम शाळांना चांगले दिवस आणण्यासाठी विविध उपक्रम राबविले.
. • शिक्षक पती-पत्नींमधील दुरावा दूर कम करीता ५१ शिक्षकांना समुपदेशनाने शाळा देण्यात आल्या.
ग्रामपंचायतीच्या १४ व्या वित्त आयोगातून जिल्ह्यातील सर्व जि.प. शाळांसाठी शुद्ध पिण्याच्या
पाण्यासाठी तरतूद करण्याच्या सुचना ग्रामपंचायतींना देण्यात आल्या.