सोने गुंतवणूकदार होणार मालामाल | अवघ्या १० दिवसात २७०० रूपयेची वाढ,दसरा दिवाळीला भाववाढ होणार

सोने – चांदीच्या भावात नेहमी चढ उतार होत असली तरी मागील काही महिन्यांपासून यामध्ये घट नव्हे तर प्रतिदिन वाढच होताना दिसत आहे. साहजिकच सोने ७५ हजार ८०० तर चांदी ९१ हजार १०० रुपयांवर पोहचली आहे. तीन महिने लग्नसराईचे मुहूर्त नसताना देखील सोने चांदीचे भाव कमी झालेले नव्हते. आता नोव्हेंबर आणि डिसेंबर या दोन महिन्यात १७ विवाह मुहूर्त असल्यामुळे दसरा – दिवाळीच्या पार्श्वभूमीवर नागरिकांची पावले खरेदीकडे सराफ पेठेत वळणार आहेत. साहजिकच तोपर्यंत अजून भाववाढ झालेली पहावयास मिळण्याची शक्यता आहे. महत्वाचे म्हणजे शेअर मार्केटसह म्युच्युअल फंडमध्ये गुंतवणूकीस प्राधान्य देणारे देखील सोने – चांदीचे चढे भाव लक्षात घेता त्यामध्ये गुंतवणूक करण्यास प्राधान्य देताना दिसत आहेत.