तासगाव : विरोधक उठसुठ आमची मापं काढत आहेत. आर. आर. पाटील यांच्या उंचीवरून त्यांना दीडफुट्या म्हणले गेले. मी लोकांचे प्रश्न पोटतिडकीने मांडतोय म्हणून मला कालच्या सभेतील भाषणात पोपट असे म्हणाले.आता व्यंगावरून सगळं होत असेल तर काही गोष्टी आपणाला सोसणार नाहीत. ते माझ्या संस्कृतीला धरून नाही. मी काही गोष्टी बोललो तर अवघड होईल.
मला तिथपर्यंत जायचं नाही. या मतदारसंघाचे राजकारण केवळ विकास आणि विकासावरतीच होईल, अशी घणाघाती टीका रोहित पाटील यांनी संजय पाटील यांच्यावर केली. ढवळी (ता. तासगाव) येथील प्रचार शुभारंभात ते बोलत होते.
