पुन्हा एकदा हिंसाचाराच्या विळख्यात सापडले आहे. अतिरेक्यांचा तांडव सुरूच आहे. येथे तीन मुलांची आई जिवंत जाळली गेली. महिलेच्या पोस्टमॉर्टम रिपोर्टमधून जे समोर आले आहे ते धक्कादायक आहे. तिला मारण्यापूर्वी क्रूरतेच्या सर्व मर्यादा ओलांडल्या गेल्या. पीडित तरुणी जिवंत असताना तिच्या शरीरावर खिळे ठोकण्यात आले होते. थर्ड डिग्री टॉर्चर देण्यात आले. तिच्यावर सामूहिक बलात्कार करण्यात आला आणि त्यानंतर सशस्त्र हल्लेखोरांनी तिचे घर पेटवून दिले. आसामच्या सिलचर मेडिकल कॉलेजमध्ये महिलेचे पोस्टमॉर्टम करण्यात आले.
तिचा मृतदेह इतका जळाला होता की, तिच्यावर बलात्कार झाला की नाही, हे समजू शकले नाही. डॉक्टरांनी सांगितले की, अस्थीचे पोस्टमॉर्टम केल्यासारखे वाटत होते. तिच्यावर अतिरेक्यांनी सामूहिक बलात्कार केल्याचा आरोप स्थानिक लोक आणि तिच्या कुटुंबीयांनी केला आहे. डॉक्टरांनी सांगितले की, मृतदेह 99% जळालेला होता. अगदी हाडेही जळाली होती.
अतिरेक्यांनी ट्रक जाळले आसाममधील सिलचर शहरातून जिरीबाम मार्गे इम्फाळला जाणाऱ्या दोन ट्रकला अतिरेक्यांनी आग लावली.जिरीबाम पासून 30 किमी अंतरावर असलेल्या तामेंगलॉगमधील तौसेम पोलीस स्टेशन हद्दीतील लाहंगनोम गाव आणि ओल्ड केफुंदाई गावादरम्यान ही घटना घडली. सततच्या हिंसाचाराच्या पार्श्वभूमीवर केंद्र सरकारने 2000 अतिरिक्त केंद्रीय सुरक्षा दल पाठवले आहेत.
