Created By : first check
Translated By: ऑनलाइन संकेत टाइम्स
दावा ;
उत्तर प्रदेशातील संभल जिल्ह्यातील मंदिर-मशीद वादाला नवा वळण तेव्हा आले जेव्हा 14 डिसेंबर रोजी शहरातील एका भागातील अनेक वर्षांपासून बंद असलेले मंदिर उघडण्यात आले आणि तेथे पूजा करण्यात आली. या मंदिरात हनुमान आणि शिवाच्या मूर्तीही सापडल्या आहेत.
यासोबतच विहीर खोदताना देव-देवतांच्या मूर्ती सापडल्याच्या बातम्याही समोर आल्या आहेत.दरम्यान, काही सोशल मीडिया वापरकर्त्यांचे म्हणणे आहे की, या पुतळ्या त्याच शाही जामा मशिदीत सापडल्या आहेत, ज्याच्या सर्वेक्षणादरम्यान २४ नोव्हेंबरला हिंसाचार उसळला होता.
तपास ;
वृत्तानुसार, 14 डिसेंबरला उघडलेले मंदिर खग्गु सराय भागात आहे.संभल पोलिसांचे सर्कल ऑफिसर अनुज चौधरी यांनी या मंदिरात पूजा केली होती.कोणत्याही बातमीत या मंदिराचा शाही जामा मशिदीशी संबंध असल्याचे नमूद केलेले नाही.ज्या विहिरीतून मूर्ती सापडल्या आहेत ती विहीरही मंदिरासमोरच आहे.याच परिसरातील नियारियान मशिदीच्या बाहेरील विहीरही खोदण्यात आली आहे.मूर्ती सापडल्याच्या बातम्यांमध्येही शाही जामा मशिदीच्या आत मूर्ती सापडल्याचं कुठेही लिहिलेलं नाही.
आम्ही गुगल मॅपवर 14 डिसेंबर रोजी जिथे पूजा केली होती ते मंदिर शोधले, येथे त्याचे नाव संभलेश्वर महादेव मंदिर असे लिहिले आहे.गुगल मॅपनुसार हे ठिकाण शाही जामा मशिदीपासून सुमारे 1 किलोमीटर अंतरावर आहे.शाही जामा मशिदीपासून नियारिया मशिदीचे अंतरही दीड किलोमीटर आहे.
आज तकचे वार्ताहर अरविंद ओझा यांनीही सांगितले की, मूर्ती मशिदीच्या आत सापडल्या नसून त्यापासून दीड किलोमीटर अंतरावर आहेत.शाही जामा मशीद समितीचे सचिव आणि अधिवक्ता मशूर अली खान यांनीही शाही जामा मशिदीच्या आत कोणतेही उत्खनन करण्यात आले नसल्याचे सांगितले.
वस्तूस्थिती :
संभळच्या शाही जामा मशिदीत आतापर्यंत एकही मूर्ती सापडलेली नाही, तेथे कोणतेही उत्खनन झालेले नाही, हे आमच्या तपासातून स्पष्ट झाले आहे. व्हायरल पोस्टच्या माध्यमातून संभ्रम पसरवला जात आहे.
(सदर फॅक्ट चेक first check वेबसाइटने प्रसिद्ध केलं आहे.’शक्ती कलेक्टिव्ह’चा भाग म्हणून ‘संकेत टाइम्स ऑनलाइन’ने त्याचा अनुवाद केला आहे.)
