दौंड तालुक्यात बहीण भावाच्या नात्याला काळीमा फासणारी संतापजनक घटना समोर आली आहे. चुलत भावानेच अल्पवयीन बहिणीवर वारंवार लैंगिक अत्याचार केल्याची घटना उघडकीस आली आहे. याप्रकरणी दौंड पोलिसांनी दोघा जणांना अटक केली आहे. लैंगिक संबंधातून ही पीडित मुलगी गर्भवती राहिल्याने ही घटना उघडकीस आली आहे. पीडित तरुणी दौंड तालुक्यातील रहिवासी असून तिच्यावर वायरलेस फाटा आणि पुण्यातील सिंहगड रस्त्यावरील धायरी फाटा येथे आरोपींनी अनेक वेळा अत्याचार केल्याची धक्कादायक माहिती समोर आली आहेत.
यातील आरोपी पैकी एकाचा दौंड तालुक्यात एक फोटो स्टुडिओ आहे. या स्टुडिओत आणि पीडितेच्या घरी आरोपींनी वेळोवेळी पीडितेवर लैंगिक अत्याचार केले. 2024 मध्ये मार्च ते जून दरम्यान हा अत्याचार झाल्याचं फिर्यादीत म्हटलं आहे.
आरोपी भाऊ वर्षभर पीडिते बहिणीचं लैंगिक शोषण करत होता. हा धक्कादायक प्रकार लपवण्यासाठी भावाने बहिणीवर वारंवार दबाव टाकल्याची संतापजनक माहिती आहे. मात्र या लैंगिक संबंधातून पीडित मुलगी गर्भवती राहिली आणि तिने बाळाला जन्म दिला, यानंतर ही घटना उघडकीस आली आहे. या घटनेप्रकरणी दौंड पोलीस ठाण्यामध्ये गुन्हा दाखल केला असून पोलिसांनी दोघांना अटक केली आहे.
