डफळापूर-कुडणूर : श्रीपती शुगर अॅण्ड पॉवर लिमिटेड येथे २०२५-२६ गाळप हंगामातील 1,21,121 साखर पोत्यांच्या पूजनाचा कार्यक्रम भारती शुगर अॅण्ड फ्युएल्स, नागेवाडीचे चेअरमन श्री ऋषिकेश लाड व मान्यवरांच्या हस्ते संपन्न झाला. कार्यक्रमास कारखान्याचे कार्यकारी संचालक महेंद्र आप्पा लाड यांसह सर्व अधिकारी उपस्थित होते.
यावेळी महेंद्र आप्पा लाड म्हणाले की, “शेतकऱ्यांच्या सहकार्याने यंदा ५ लाख टन ऊस गाळपाचा टप्पा गाठणार आहोत.” हंगामातील ऊस बिले अदा करण्यास सुरुवात झाली असून शेतकऱ्यांनी संबंधित बँकेशी संपर्क साधावा, केवायसी अपूर्ण असल्यास तत्काळ शेती विभागात पूर्तता करावी, असे आवाहन त्यांनी केले. शेतकऱ्यांनी आपला ऊस श्रीपती शुगरला देऊन सहकार्य करावे, अशी विनंतीही त्यांनी यावेळी केली.
कारखान्याचे चेअरमन आमदार डॉ. विश्वजीत कदम यांनी शेतकरी हिताचा निर्णय जाहीर करत उसाला ₹३३०० प्र.मे.टन दर जाहीर केला. त्यातील पहिला हप्ता ₹३२५0 शेतकऱ्यांच्या खात्यात जमा करण्यास सुरुवात झाली असून उरलेला ₹५० हप्ता दिवाळीपूर्वी देण्यात येईल, असेही त्यांनी स्पष्ट केले.
कार्यक्रमास जनरल मॅनेजर महेश जोशी, शेती अधिकारी सतीश मिरजकर, एच.आर. मॅनेजर रणजीत जाधव, चिफ इंजिनिअर यशवंत जाधव, चिफ केमिस्ट दिपक वाणी, इलेक्ट्रीकल इंजिनिअर आनंदा कदम यांच्यासह कारखान्यातील सर्व अधिकारी उपस्थित होते.
—
