जत : जत तालुक्यात अवैध धंद्याने सर्व सिमा ओलांडल्या आहेत.मटका,जुगार,दारू,सिंदी,तस्
ना कायद्याचा धाक.. ना प्रशासनाचा अंकुश राहिल्याने अवैध धंदे चालकांच्या टोळ्यातील साथीदार काळाच्या ओघात मोकाट बनू लागले आहेत. निवडणुकीच्या पार्श्‍वभूमीवर तस्करी टोळ्या, काळेधंदेवाले, समाजकंटकाविरुद्ध कारवाईची मोहीम सुरू झाली नसल्याने सर्वकाही मोकाट सुरु आहे.तालुकाभर दिवसेन् दिवस काळ्या धंद्यांचे साम्राज्य चव्हाट्यावर येऊ लागले आहे. स्थानिक पातळीवर ‘मिलीभगत’द्वारे चाललेला बाजार उघड होऊ लागला आहे.
नाकावर टिच्चून सुरू असलेले मटका, जुगारी अड्डे कधी उद्ध्वस्त होणार असा प्रश्न विचारला जात आहे.गुन्हेगारांच्या फैलावामुळेच इथं काळ्याधंद्याचे साम्राज्य वाढू लागल्याचं चित्र दिसू लागले आहे.मटका,तीनपानी जुगारी अड्ड्यांचे प्रस्थ बेधडक वाढले आहे. देशी, विदेशी दारूचा महापूर वाहत असतानाही स्थानिक यंत्रणेला तस्करांच्या हालचाली दिसून येत नाहीत. यंत्रणेच्या दुर्लक्षामुळे गावांना काळेधंदेवाल्यांसह तस्करी टोळ्यांचा विळखा पडू लागला आहे.
