जत : शिंदे गटाचे मंत्री अब्दुल सत्तार यांनी राष्ट्रवादीच्या खासदार सुप्रिया सुळे यांच्यावर आक्षेपार्ह भाषेत टीका केल्याचे समोर आले आहे. यावरुन आता राज्यभरात राष्ट्रवादी काँग्रेसने आक्रमक भूमिका घेतली आहे.जत तालुका राष्ट्रवादी कॉग्रेसचे तालुकाध्यक्ष रमेश पाटील यांनी पोलीसांना निवेदन देत गुन्हा दाखल करण्याची मागणी केली आहे.
निवेदनात म्हटले आहे कि, महाराष्ट्र राज्याचे कॅबिनेट मंत्री शिंदे गटातील अब्दुल सत्तार यांनी नुकताच खासदार सुप्रिया सुळे यांचा गलिच्छ भाषा वापरून अपमान केला आहे.अशी गलिच्छ भाषा वापरल्यामुळे देशातील तमाम महिला वर्गामधे व नागरिकांमध्ये तसेच पक्षांच्या कार्यकर्त्यांमध्ये नाराजी व तेढ निर्माण करण्याची घाणेरडे काम हे कॅबिनेट मंत्री अब्दुल सत्तार यांनी केले आहे असे शब्द वापरून ते स्वतःला काय सिद्ध करणार आहेत.
अशा या कॅबिनेट मंत्री अब्दुल सत्तार यांच्यावर आपण त्वरित कारवाई करून मुप्रियाताई यांचे बद्दल वाईट शब्द बोलल्याबद्दल तात्काळ गुन्हा नोंदवण्यात यावा व त्यांच्यावर कठोर कारवाई करावी जेणेकरून यापुढे कोणी कुठल्याही प्रकारचे देशातील तमाम महिलांचा अपमानास्पद शब्दाचा वापर करून महिला, कार्यकर्ते व
नागरिकांमध्ये तेढ निर्माण करणार नाहीत.
