राणी मुचंडी हाफ मॅरथॉन करिता धावणार चीनच्या ट्रॅकवर
जत : कन्या हायस्कूल व श्री दत्त उच्च माध्यमिक विद्यालयाची माजी राष्ट्रीय खेळाडू राणी सदाशिव मुचंडी हिची जागतिक आंतरविद्यापीठ क्रीडा स्पर्धेसाठी चीन (चेंगडू ) येथे 28 जुलै ते 8 ऑगस्ट 2023.दरम्यान होणाऱ्या स्पर्धेसाठी निवड झाली आहे.
नुकत्याच कलिंगा इन्स्टिट्यूट ऑफ इंडस्ट्रियल टेक्नॉलॉजी, भुवनेश्वर ओडीसा येथे झालेल्या, अखिल भारतीय युनिव्हर्सिटी स्पर्धेत, हाफ मॅरेथॉन ( 21 किलोमीटर ) स्पर्धेत 1 तास 21 मिनिटे ही वेळ तिने नोंदवली.
राणी मुचंडी जतच्या कन्या हायस्कूल व श्री दत्त उच्च माध्यमिक विद्यालयात 2014 ते 2018 पर्यंत, राष्ट्रीय क्रीडा प्रशिक्षक हाजीसाहेब मुजावर यांच्या मार्गदर्शनाखाली सातत्याने सराव करत होती.त्याचवेळी मध्य प्रदेश ( भिलाई ) येथे 15 जानेवारी 2018 रोजी झालेल्या राष्ट्रीय असोसिएशन क्रॉस कंट्री स्पर्धेत सहभाग नोंदवला होता व 2 जानेवारी 2018 पुणे ( बालेवाडी ) येथे झालेल्या राष्ट्रीय शालेय क्रॉस कंट्री स्पर्धेत पाचवा क्रमांक मिळवला होता.
![Rate Card](http://sankettimes.com/wp-content/uploads/2023/08/Sanket_SANKET_MAI_20230729_3_1_.jpeg)
2018 नंतर भारतीय खेल प्राधिकरण चे प्रशिक्षक सिंग सरांच्या कडे सातत्याने धावण्याचा सराव करीत होती. 2014 ते आजतागायत अनेक राज्यस्तरीय व राष्ट्रीय स्पर्धा जिद्द व चिकाटीच्या जोरावर, सातत्याने प्रयत्न करत गाजविल्या व गोल्ड, सिल्वर व ब्रांच पदके मिळवली.
सध्या ती शिवाजी विद्यापीठ अंतर्गत कोरेगाव येथील डी पी भोसले महाविद्यालयात एम ए प्रथम वर्षात शिकत आहे.राणी अभ्यासात पण खूप हुशार आहे.तिला बारावीच्या बोर्ड परीक्षे मध्ये 80 टक्के मार्क मिळालेले आहेत. राणी खूप शांत व संयमी आहे.राणी मुचंडीच्या आंतरराष्ट्रीय निवडी बद्दल विद्यालयाचे मुख्याध्यापक अण्णासाहेब लोखंडे सर, जिल्हा क्रीडा अधिकारी युवराज नाईक सर व माणिक वाघमारे सर, तालुका क्रीडा अधिकारी आमसिद्ध सोलनकर व महाराष्ट्र राज्याचे क्रीडा सह संचालक अनिल चोरमुले सर व राज्याचे माजी संचालक नागेश मोटे सर. यांनी राणीचे अभिनंदन केले.