अभिनेत्री आलिया भट नुकतीच काश्मीरवरून परतली आहे. शर्वरी वाघसोबत ती काही दिवस काश्मीर येथे शूटसाठी गेली होती. यशराज फिल्म्सच्या अॅक्शनपॅक ‘अल्फा’ चित्रपटात या दोघीही झळकणार आहेत. तेथील शूटचा एक फोटोही तिने काल अपलोड केला होता. नुकतीच ती मुंबईत परत आली आहे. लेक राहासोबतचा तिचा व्हिडीओ व्हायरल होतोय.
आलिया काश्मीर शूटवर लेक राहालाही घेऊन गेली होती. मायलेकीचा कलिना एअरपोर्टवरचा व्हिडीओ व्हायरल होत आहे. यामध्ये आलिया बाहेर पडताना दिसत आहे, तर तिच्या कडेवर चिमुकली राहा आहे. राहा आलियाच्या कडेवर शांत झोपलेली दिसत आहे. राहा झोपली असल्याने आलिया कॅमेऱ्यासमोर पोझ न देताच गाडीत बसते.
