जत शहरातील सोलनकर चौकात कुंभारीहून भरधाव वेगाने आलेल्या टेम्पोने शंकर पवार मोटरसायकलला धडक दिल्याने शंकर तानाजी पवार (वय ४०, रा. विठ्ठलनगर, जत) यांचा जागीच मृत्यू झाला. तसेच स्वरा पवार (३ वर्षे) व राजवर्धन शंकर पवार (१४) हे दोघे गंभीर जखमी झाले असून, त्यांना पुढील उपचारासाठी सांगली येथे हलविण्यात आले आहे.
ही घटना गुरुवारी रात्री साडेदह वाजण्याच्या सुमारास घडली.संभाजी चौकातून मुलांना खाउन घेऊन शंकर पवार हे आपल्या घरी सोलनकर चौक येथून विठ्ठलनगरकडे जात असताना हा अपघात घडला. टेंपो चालकाने अपघातानंतर गाडी न थांबविता पोबारा केल्याने जत पोलिस त्याच्या शोधात आहेत. घटनेनंतर नागरिकांनी तिघांना जत ग्रामीण रुग्णालयात दाखल केले. डॉक्टरांन शंकर पवार यांचा मृत्यू झाल्याचे जाहीर केले, तर दोघा जखमी मुलांवर प्राथमिक उपचार करून तातडीने त्यांना सांगलीला हलविण्यात आले.
