जत,संकेत टाइम्स : आरोग्य विभाग व पोलीस खात्यातील अधिकारी व कर्मचारी तंदुरूस्त राहावेत,यासाठी लायन्स क्लब जत व महाराष्ट्र कामगार सेना यांच्यावतीने पौष्टिक व सात्विक आहार म्हणून उकडलेले अंड्यांचे वाटप करण्यात आले.
जत तालुक्यात कोरोनाचा विस्फोट झाला आहे. सध्या त्याला रोकण्यासाठी तालुक्यातील दोन महत्वाचे विभाग आरोग्य व पोलीस प्रयत्न करत आहेत.त्या विभागातील अधिकारी,कर्मचारी तंदुरूस्त रहावेत यासाठी या उपक्रमाचे नियोजन केल्याचे कामगार सेनेचे राज्य उपाध्यक्ष दिनकर पंतगे यांनी सांगितले.
यावेळी जत ग्रामीण रुग्णालय,कोविड सेंटर येथे या पौष्टिक व सात्विक आहाराचे वाटप केले.यावेळी प्रसिद्ध बालरोग तज्ञ डॉ.नितीन पतंगे,लायन्स क्लबचे कँबिनेट ऑफिसर राजेंद्र आरळी,सहदेव माळी,अर्जुन भोसले यांच्याहस्ते वाटप करण्यात आले.
जत येथे पोलीस व आरोग्य अधिकारी कर्मचाऱ्यांना पौष्टिक व सात्विक आहाराचे वाटप करण्यात आले.
