जत : सिंगल फेज विद्युत मोटर चालू करताना विजेचा शॉक लागून एका विवाहितेचा मृत्यू झाल्याची घटना माडग्याळ ता.जत येथे घडली आहे.राजश्री बसवराज नाटेकर (वय ३०) असे मृत्यू झालेल्या महिलेचे नाव आहे.
याबाबत घटनास्थळावरून मिळालेली अधिक माहिती अशी की,गावात राहणाऱ्या राजश्री ग्रामपंचायतीच्या पाणीपुरवठा चार वाजता सुरू झाल्याने त्या विद्युत मोटार जोडून सुरू करत असतानाच विद्युत प्रवाह सुरू झाल्याने शॉक लागला.
प्रांरभी त्यांना माडग्याळ मधील खासगी रुग्णालयात दाखवण्यात आले.मात्र, प्रकृती खालावल्याने पुढील उपचारासाठी जत येथे हलविण्यात आले होते.परंतु, राजश्री यांचा वाटेत मृत्यू झाला. ग्रामीण रुग्णालय जत येथे शवविच्छेदन करण्यात आले.राजश्री यांच्या पश्चात पती व दोन लहान मुले असा परिवार आहे. या घटनेची नोंद उमदी पोलिसांत झाली आहे.
