जिरग्याळ नजिक बेकायदा दारू वाहतूकीवर छापा | एक लाख वीस हाजाराचा मुद्देमाल जप्त
जत,प्रतिनिधी : जिरग्याळ ता.जत येथे बेकायदा दारू वाहतूक करणाऱ्या वाहन मुद्देमालासह जत पोलीसांनी पकडले.यात 1 लाख वीस हाजाराच्या दारूच्या बॉटल जप्त करण्यात आल्या.आज ता.20 ला सकाळी जिरग्याळ-शेळकेवाडी रस्त्यावर ही कारवाई करण्यात आली.याप्रकरणी विकास गुंडप्पा सनदी रा.बेंळकी ता.मिरज,शिवराम लोंढे रा.जाडरबोबलाद यांना ताब्यात घेतलेे आहे.
याबाबत जत पोलीसात गुन्हा दाखल झाला आहे.
![Rate Card](http://sankettimes.com/wp-content/uploads/2023/08/Sanket_SANKET_MAI_20230729_3_1_.jpeg)
पोलीसांनी दिलेली माहिती अशी,कोरोना विषाणूच्या पार्श्वभूमीवर दुकाने बंद असतानाही जत पश्चिम भागात बेकायदा दारू विक्री सुरू असल्याची माहिती जत पोलीसांना मिळाली होती.त्याआधारे पोलीसांनी सापळा लावला होता.विकास सनदी व शिवराज लोंढे हे सिल्वर कलरच्या मारूती स्विट(गाडी नं एमएच 02,एपी- 8808) गाडीतून दारू नेहत असताना जिरग्याळ-शेळकेवाडी नजिक ही गाडी पथकाने पकडली.त्यात टँगो कंपनीचे 13 बॉक्स, प्रत्येक 48 बॉटलप्रमाणे 104 बॉटल जप्त करण्यात आल्या.यांची प्रती बॉटल 52 प्रिंट किंमतीनुसार एकूण 32,448 रूपये व एक चार चाकी वाहन असा 1 लाख 20 हाजाराचा मुद्देमाल जप्त करण्यात आला.याप्रकरणी पो.कॉ.महेश मुळीक यांनी फिर्याद दिली आहे. अधिक तपास सा.पोलीस निरिक्षक मोहिते करत आहेत.