एकादा जीव गेल्यावर नगरपरिषद जागी होणार काय ? | रस्ता,मोकळे चौक, मोकाट जनावरांच्या धोकादायक झुंडी


रस्त्यांवर मोकाट जनावरे असल्यामुळे पादचाऱ्यांसह वाहनधारकांना मार्ग काढणेही कठीण होत आहे. या जनावरांमुळे अनेकदा वाहनचालकांना अपघाताचा सामना करावा लागत आहे. मात्र या गंभीर बाबीकडे नगरपरिषद प्रशासनाचे दुर्लक्ष होत आहे. या मोकाट जनावरांचा बंदोबस्त करण्यात यावा,अशी मागणी होत आहे.
जनावरे पकडण्याचे टेंडर गुलदस्त्यात
जत नगरपरिषदेने शहरातील मोकाट जनावरे पकडण्यासाठी अनुभवी संस्थाकडून टेंडरची मागणी केली होती.तशी जाहीरातही वृत्तमान पत्रात छापण्यात आली होती.मात्र त्याचे पुढे काय झाले हे गुलदस्त्यात आहे.मात्र शहरात मोकाट जनावरांचा नागरिकांना मोठा मनस्ताप होत आहे.