जत तालुक्यात बनावट दारू संपवतेय अनेकांचे जीवन

0

 

उमदी : जत तालूक्यातील अनेक गावात गेला तीन चार वर्षापासून बनावट दारूची राजरोसपणे विक्री केली जात आहे.आता न्यायालयाने महामार्गा शेजारची शहरे वगळता ग्रामीण भागातील दारू दुकाने बंद केल्याने तर त्यात भर पडून जत तालूक्याचा नवा हुन्नूरमेड दारू असा नविन ब्रँड निर्माण झाला आहे. पुर्वीची हुबळी मेड ब्रँडची जागा सध्या हुन्नूरमेड ब्रँडने घेतली आहे.अनेक ब्रँडेड कंपन्यांचे लेबल लावून हे स्लो पॉयझन अनेक ढाबे, हॉटेल, वाईनशॉपमधून तसेच अवैध मार्गाने खुलेआम विकले जात आहे.

 

उत्पादन शुल्क विभागासह पोलिसांचेही हुन्नूर मेड ब्रँडकडे अर्थपुर्ण दुर्लक्ष होत असल्याची तालूक्यात चर्चा आहे.जत तालुक्यात हातभट्टीचे प्रस्थ पूर्वापार आहेच.त्यात आता पावडर युक्त शिंदीची भर पडली आहे. अंनत कारवायानेही ही दारू ,शिंदी अद्याप बंद नाही.त्याच्या जोडीला आता गावो-गावी विना परवाना अनेक देशी- विदेशी ब्रँडच्या दारूची अवैध विक्रीही सुरू झाली आहे. ढाबे, खानावळी, चायनिजचे गाडे यांच्यासोबतीने ग्रामीण भागातील पानटपऱ्या,हॉटेल, किराणा दुकानात दारूची चोरून विक्री होऊ लागली आहे.

 

मोठी कमाईच्या दारूधंद्यात बनावट दारूचे मार्केट तेजीत सुरू आहे. या बनावटगिरीत हुबळीमेड दारूचा तालूक्यात अनेक वर्षे दबदबा होता. अनेक नामांकित कंपन्यांच्या रिकाम्या बाटल्या गोळा करून त्यात बनावट दारू भरली जाते व तिची कंपन्यांच्या नावाने विक्री केली जाते. या बनावट दारूत टक्केवारीही अधिक असल्याने विक्रेत्यांकडून त्याचा सर्रास वापर केला जातो. तालुक्यातील अवैध दारू विक्रीचा बाजार  बनावटगिरीवर चालतो आहे. जत तालुक्यातील अनेक गावात आता बियरशॉपीमधूनही देशी किंवा बनावट दारू विक्री होऊ लागली आहे. अनेक बियर शॉपीला पोलिसाचे अर्थपुर्ण दुर्लक्ष होत आहे. कित्येक वेळा धाडी गावटी दारू अड्यावरचे साहित्य तयार दारू जप्त करूनही अशी दारू बंद नाही . वृत्तमान पत्रात बातम्या आल्या की संबंधित विभाग जागा होतो.
कारवाईचे काही काळ चित्र रगंविले जाते.त्यानंतर काही दिवस दारू बंद परत येरे माझ्या मागल्या अशी स्थिती असते.कठोर कारवाई नसल्याने अशी परिस्थिती आहे.संबधित विभागाकडून केलेल्या कारवाईत बऱ्याच वेळा मिटवामिटवीचे प्रकार जादा असतात.कारवाईची माहितीही माध्यमाना दिली जात नाही.दारू अडे उद् वस्त केले ऐवढेच कळते पंरतू कोणाला अटक करून कारवाई केल्याचे ऐकवत नाही .परिणामी अशा दारूने दारू काढणाऱ्या बरोबरच अनेक ग्राहकाच्या कुंटुंबात पण कायम अंधकार पऱसरलेला आसतो.

पोलीस उत्पादन शुल्कची डोळेझाक

जत तालुक्यात बनावट दारूची मोठ्या प्रमाणात विक्री होत असताना पोलीस,राज्य उत्पादन शुल्कला अशा बनावट शिंदी,गावठी ,ब्रँड झालेल्या दारूस आळा घालण्यात पुर्णत: अपयश आले आहे. पत्यक्षात अशा अवैध दारू विक्रीवर धाडी पडतात पंरतू कोणावरही कारवाई झाल्याचे ऐकवत नाही. या अर्थपुर्ण कारण आसण्याची शक्यता नाकारता येत नाही.

Leave A Reply

Your email address will not be published.

कॉपी करू नका.