जत,संकेत टाइम्स : बँक आपले दारी अभियान अंतर्गत जिल्हा बँक संचालक प्रकाशराव जमदाडे यांनी शनिवारी करजगी, बोर्गी व बेंळोडगी सोसायटीची आढावा बैठक जिल्हा बँकेच्या बेंळोडगी शाखेत तर हळ्ळी,बालगाव,सुसलाद, सोनलगी व उमदी सोसायटी आढावा बैठक समता सोसायटी उमदी येथे घेतली.यावेळी तालुका अधिकारी नाटेकर ,शेती अधिकारी आर एम कोळी,शाखाधिकारी पारसे,राष्ट्रवादी काँग्रेसचे नेते अँड होर्तिकर,हलकुंडे, सोसायटी चेअरमन, व्हा चेअरमन, सचिव व शेतकरी मोठ्या संख्येने उपस्थित होते.यावेळी बँकेतून कर्ज वाटप,ठेवी व ओटीएस योजना याबाबत सविस्तर चर्चा झाली.जास्तीत जास्त शेतकऱ्यांनी या योजनेत भाग घेऊन थकबाकीतून मुक्त व्हावे.बँकेला व सोसायटीला सहकार्य करावे असे आवाहन यावेळी जमदाडे यांनी केले.
या भागातील 9 सोसायटी मधील सर्व थकबाकीदार सभासदांनी भाग घेतल्यास जवळपास 1,055 सभासदांना 7 कोटी रुपयाची व्याजमाफी मिळणार आहे. बँकेच्या कर्जाच्या सर्व योजना सभासदांना समजवण्यात आल्या, बँकेमध्ये मी, मन्सूर खतीब बँकेची धोरणे व सर्व प्रकारच्या योजना या शेतकरी ,व्यापारी ,छोटे उदोजाक, नोकरदार व वंचित शोषित घटकासाठी व तालुक्यातील सर्वसामान्यासाठी विशेष योजना राबिवणार आहोत,अशी ग्वाही दिली यावेळी जमदाडे यांनी दिली.यावेळी जमदाडे यांचा सत्कार करण्यात आला.
बेंळोडगी ता.जत येथील शेतकऱ्यांच्या समस्या जाणून घेताना संचालक प्रकाशराव जमदाडे