डफळापूर,संकेत टाइम्स : डफळापूर (ता.जत)ग्रामपंचायत निवडणूकीत बाजार समिती संचालक अभिजीत चव्हाण व पंचायत समिती सदस्य दिग्विजय चव्हाण यांच्या नेतृत्वाखालील पँनेलचे थेट संरपच पदाचे उमदेवार म्हणून अखेर जेष्ठ नेते सुभाषराव गायकवाड निश्चित झाले आहेत.महत्वपूर्ण बैठकीनंतर पँनेलमधून अर्ज भरलेल्या अन्य उमेदवारांनी अर्ज माघारी घेतल्याने अखेर सुभाषराव गायकवाड हेच थेट संरपच पदासाठी लढणार आहेत.
जत तालुक्यातील महत्वाची,ऐतिहासिक महत्व असणारी व सदन ग्रामपंचायत म्हणून डफळापूरचा नावलौकिक आहे.येथे थेट संरपच पद सर्वसाधारण प्रवर्गासाठी असल्याने उमेदवारीसाठी मोठी रस्सीखेच होती.मात्र पँनेल प्रमुख व जेष्ठ नेत्यांच्या बैठकीत जेष्ठतेनुसार सुभाषराव गायकवाड यांना उमेदवारी देण्यात आली आहे. स्वच्छ प्रतिमा,दानसूर,समाजासाठी बांधिलकी असणारे उमेदवार म्हणून सुभाषराव गायकवाड यांनी ओळख आहे.त्याशिवाय सक्षम उमेदवारांचे पँनेल उभे असल्याने सुभाषराव गायकवाड यांच्यासह त्यांच्या पँनेलचा विजय निश्चित असल्याचा दावा त्यांच्या समर्थकांनी केला आहे.
