करजगी,संकेत टाइम्स : करजगी(ता जत) येथे नुकताच झालेल्या करजगी ग्रामपंचायत पंचवार्षिक निवडणुकीत श्री मल्लिकार्जुन गुरुबाळ बालगांव , बाबूगौडा पटेल , गिरमल्लय्या मठपती,भीमाशंकर मेडेदार, विठ्ठल हंजगी ,शिवानंद अक्कलकोट,मम्मु पटेल, सुभाष बालगांव, जयवंत कलाबुर्गी, रावतराय तेली,सायबण्णा ककमरी, यांच्या नेतृत्वाखाली श्री जिन्नेसाहेब ग्रामविकास परिवर्तन पॅनलने ११ पैंकी ७ जागा जिंकून ग्रामपंचायतीवर बहुमत मिळविले होते.
या पँनेलच्या सविता देवेंद्रया मठपती यांची उपसंरपचपदी बिनविरोध निवड झाली.
नूतन सदस्य मल्लाप्पा कल्लाप्पा जंगमशेट्टी, सदाशिव आनंद कट्टीमनी, रमजान बुरान जातगार, जयश्री माळप्पा कळ्ळी, अन्नपूर्णा मलकारी चांभार, लक्ष्मी गोपाळ कांबळे, सर्व निवडून आलेले सदस्य व गावातील प्रमुख पदाधिकारी यांच्या उपस्थितीत भव्य सत्कार समारंभ उत्साहात संपन्न झाला.
यावेळी बोलताना नूतन उपसरपंच सविता मठपती म्हणाल्या,सर्वांना विश्वासात घेऊन विकासात्मक कामांच्या माध्यमातून करजगी गावाला आदर्श गाव म्हणून नावारूपाला आणण्यासाठी प्रयत्न करणार आहे,तसेच मतदारांनी आमच्या पॅनलवर दाखवलेल्या विश्वासाला कधीही तडा जाऊ न देता गावाच्या विकासासाठी सदैव प्रयत्न करीन.महिलांच्या प्रश्नासाठी पाठपुरावा करू,त्यांचे प्रश्न सोडवण्याच्या माझा प्रयत्न राहील, असे त्या म्हणाला.