शिवछत्रपतींचा हा पुतळा जतची ओळख बनेल | – जयंत पाटील

काय म्हणाले,जयंत पाटील

छत्रपती शिवाजी महाराज आदर्श राजे होते. सर्वसामान्य जनतेला सुखकर आयुष्य मिळावे यासाठी ते झटले. शेतकऱ्यांनी पिकवलेल्या भाजीच्या देठालाही नुकसान पोहोचू नये याची काळजी त्यांनी घेतली. संपूर्ण जगाला त्यांच्या कर्तृत्वाचा हेवा वाटतो.

छत्रपती शिवाजी महाराज आयुष्यभर मुघलांविरोधात लढले. मात्र महाराज हे मुसलमानांविरोधात लढले असे चित्र आज निर्माण केले जात आहे. हे साफ चुकीचे आहे. छत्रपती शिवाजी महाराज सर्व समाजांना एकत्र घेऊन चालणारे होते. समतेचा विचार घेऊन चालणारे होते.

जत तालुक्याला दुष्काळ मुक्त करण्यासाठी मविआ सरकारच्या काळात ६ टीएमसी पाणी उपलब्ध करून देण्याचा निर्णय झाला. या निर्णयामुळे जतच्या ६५ गावांना पाणी मिळणार आहे. याबाबतच्या सर्व गोष्टी तयार आहेत. तसेच जत शहराला पिण्याचे पाणी मिळावे यासाठी ३.३ एमसीएफटी पाणी देण्यात आले आहे. वर्तमान सरकारने लवकरात लवकर या योजनांना मूर्त स्वरूप द्यावे. छत्रपती शिवाजी महाराज यांच्याप्रमाणे आदर्श राज्य निर्माण करावे, जतला सुफलाम सुफलाम करावे.