जत,संकेत टाइम्स : जत शहरात शिवसेना या पक्षाच्या जनसंपर्क कार्यालयाचे उद्घाटन छत्रपती शिवाजी महाराज यांच्या जयंतीचे औचित्य साधत दि. १९ रोजी दुपारी ३ वाजता करण्यात येणार आहे.जत शहरातील हॉटेल संभाजी पॅलेस नजिक असणाऱ्या जनसंपर्क कार्यालयाचे उद्घाटन उद्योगमंत्री उदय सामंत पालकमंत्री सुरेश खाडे, खासदार धैर्यशील माने, खासदार संजयकाका पाटील, आमदार अनिल बाबर,आमदार गोपीचंद पडळकर, माजी आमदार विलासराव जगताप,जिल्हाप्रमुख आनंदराव पवार व तालुक्यातील विविध गावचे सरपंच पदाधिकारी यांच्या उपस्थितीमध्ये होणार आहे.अशी माहिती बाळासाहेबांची शिवसेना पक्षाचे जत विधानसभा संपर्क प्रमुख योगेश जानकर यांनी पत्रकार परिषदेत दिली.
बाळासाहेबांची शिवसेना पक्षाचे जत विधानसभा संपर्कप्रमुख योगेश जानकर म्हणाले की,बाळासाहेब ठाकरे यांच्या संकल्पनेतून ८० टक्के समाजकारण २० टक्के राजकारण आम्ही करत आहे. गेल्या अनेक दिवसापासून जत तालुक्याचा दौरा केला आहे. यावेळी अनेक लोकांनी समस्या मांडल्या.त्या सोडवण्याचा प्रामाणिकपणे प्रयत्न करीत आहे. संपर्क कार्यालयाच्या माध्यमातून तालुक्यातील सर्वसामान्य लोकांच्या समस्या सोडवण्याचा प्रयत्न केला जाईल. तसेच तालुक्यात बाळासाहेबांची शिवसेना हा पक्ष कसा वाढेल याकडे पूर्णपणे लक्ष दिले जाईल. विस्तारित म्हैसाळ योजनेची निविदा प्रक्रिया पार पडली आहे. मुख्य निविदा प्रक्रिया एप्रिल किंवा मेमध्ये झाल्यानंतर याचे भव्य उद्घाटन मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या उपस्थितीत करण्यात येणार आहे. तालुक्यातील जनता मुख्यमंत्री एकनाथ शिंदे यांनी घेतलेल्या निर्णयावर खुशअसून प्रत्येक ठिकाणी कामाचे कौतुक होत आहे. त्यामुळे आम्हाला बळ मिळत आहे. बाळासाहेबांच्या शिवसेनेला चांगला
प्रतिसाद मिळत आहे.
मुख्यमंत्री व उपमुख्यमंत्री यांचे चांगले काम असून देशात पंतप्रधान नरेंद्र मोदी महाराष्ट्राचे मुख्यमंत्री असे दोघे व्यक्तिमत्त्व लाभले आहे.त्यामुळे तालुक्याचा विकास गतीने होण्यास मदत होणार आहे. येणाऱ्या छत्रपती शिवाजी महाराज जयंतीचे औचित्य साधत
या दिवशी उपनगराध्यक्ष श्रीकांत शिंदे,उमदीचे नेते निवृत्ती शिंदे, पाणी संघर्ष समितीचे सुनील पोतदार व विविध पक्षाचे कार्यकर्ते बाळासाहेबांची शिवसेना या पक्षात प्रवेश करणार आहेत. उद्घाटना दिवशी उदय सामंत हे जत तालुक्यासाठी एक चांगली गुड न्यूज देतील असे योगेश जानकर म्हणाले.
यापुढील काळात महिला युवक विविध घटकातील व्यक्तीसाठी शासनाच्या योजना तळागाळापर्यंत राबवू.यावेळी बाळासाहेबांची शिवसेना तालुकाप्रमुख अंकुश हुवाळे म्हणाले की, जत तालुक्याला योगेश जानकर यांच्या माध्यमातून एक चांगले नेतृत्व मिळाले आहे.तालुक्यातील पाणी प्रश्न व दुष्काळ
हटविण्याची धमक योगेश जानकर यांच्यात आहे येणाऱ्या काळात जत तालुक्याचा चौफेर विकास होणार आहे.या पत्रकार परिषदेसाठी डफळापुरचे सरपंच सुभाष गायकवाड, प्रतापपूरचे सरपंच तुकाराम खांडेकर, उपसरपंच बाळासाहेब खांडेकर, युवा नेते सचिन मदने, विष्णू खांडेकर, महर्षी
वाल्मिकी कोळी महासंघाचे जिल्हाध्यक्ष दिलीप कोळी, रामोशी समाज संघटनेचे अध्यक्ष संदीप नाईक, कंठीचे रवी पाटील, गणेश पाटोळे, सिताराम कोळी, लक्ष्मण
सिद्धरेड्डी आदि उपस्थित होते.
यांचा होणार आज प्रवेश
उपनगराध्यक्ष श्रीकांत शिंदे,उमदीचे नेते निवृत्ती शिंदे, पाणी संघर्ष समितीचे सुनील पोतदार व विविध पक्षाचे कार्यकर्ते बाळासाहेबांची शिवसेना या पक्षात प्रवेश करणार आहेत. उद्घाटना दिवशी उदय सामंत हे जत तालुक्यासाठी एक चांगली गुड न्यूज देतील असे योगेश जानकर म्हणाले.
