मुंबई : राज्यात लाडकी बहीण योजनेला लोकप्रियता मिळाल्याने ही योजना चर्चेत असताना महिलांना आर्थिकदृष्ट्या मजबूत करण्यासाठी केंद्रातील मोदी सरकारने सुरु केलेली ‘लखपती दीदी’ योजनाही चर्चेत आली आहे. महिलांना पाच लाख रुपयांची मदत देणारी, महिला सक्षमीकरणाला चालना देणारी ही योजना आहे तरी काय?
उद्देश काय?
महिलांमध्ये स्वयंरोजगाराची निर्मिती व्हावी, उद्योग क्षेत्रात सहभाग वाढावा, महिला आर्थिकदृष्ट्या मजबूत व्हाव्या.
किती मिळते मदत?
ही योजना बचत गटाला जोडलेल्या महिलांना मदत करण्यासाठी आहे. योजनेद्वारे महिलांना कौशल्य विकासासाठी प्रशिक्षण देण्यात येते. त्यानंतर स्वतःचा उद्योग उभा करण्यासाठी एक लाख ते पाच लाख रुपयांपर्यंतचे बिनव्याजी कर्ज दिले जाते.
लाभासाठी अट काय?
अर्जदार महिलेच्या घरातील कोणीही व्यक्ती शासकीय नोकरदार नसावा. ज्या महिलांच्या कुटुंबाचे वार्षिक उत्पन्न तीन लाख रुपयांपेक्षा कमी आहे, अशा महिला पात्र आहेत.
