एका रात्रीत कुटुंबातील सर्व महिलांचा रहस्यमय मृत्यू

0
19

मध्य प्रदेशातील सागर येथे एकाच कुटुंबातील सर्व महिलांचा एकाच रात्री मृत्यू झाल्याची रहस्यमय घटना घडली आहे. घरात तीन महिला आणि एक मुलगी होती. सर्वांनी – आपापल्या कुटुंबियांसोबत आनंदाने जेवण – केले आणि झोपायला गेले. रात्रीत असे भयंकर घडले की तीनही महिलांचे मृतदेह – विहिरीत लटकलेल्या अवस्थेत आढळून – आले, तर मुलगी मृतावस्थेत विहिरीत तरंगताना आढळून आली.

 

मध्यप्रदेश पोलीस या गूढ घटनेचा शोध घेत आहेत. पोलिसांनी दिलेल्या माहितीनुसार, मृतांमध्ये – दोन बहिणी, त्यांची आई आणि एका – बहिणीची सहा वर्षांची मुलगी यांचा समावेश आहे. या महिलांचे भयावह – अवस्थेत मृतदेह सापडले. दोन मृत महिला विहिरीत दोरीला लटकलेल्या, तर एक जवळच्या लाकडी खांबाला बांधलेल्या अवस्थेत आढळून आल्या. लहान मुलगी विहिरीतील पाण्यावर तरंगताना आढळून आली. विशेष म्हणजे सख्ख्या बहिणी या सख्ख्या जावा होत्या. दोन्ही बहिणींचे एकाच घरात दोघा भावांशी लग्न झाले होते.

एका रात्रीत असे काय घडले?
या घटनेचा तपास करत असलेले अतिरिक्त पोलीस अधीक्षक (एएसपी) लोकेश सिन्हा यांनी सांगितले की, शुक्रवारी रात्री संपूर्ण कुटुंबाने एकत्र जेवण केले, त्यानंतर ते झोपायला गेले. त्यातील एका महिलेच्या पतीला जाग आल्यावर पत्नी घरात नसल्याचे त्याच्या लक्षात आले. तिचा शोध घेण्यासाठी तो विहिरीकडे गेला, जिथे त्याने हे भयानक दृश्य पाहिले. दरम्यान, घरातील महिलांची अशी अवस्था पाहून संपूर्ण गाव हादरून गेले झाले. या घटनेची माहिती संपूर्ण जिल्ह्यात वाऱ्यासारखी पसरली.
Team Sanket Times

LEAVE A REPLY

Please enter your comment!
Please enter your name here