ऐन दिवाळीत एक धक्कादायक घडली असून भरधाव बोलेरो गाडीने रस्त्याकडेला दुचाकीसह उभारलेल्या युवकांना चिरडले असून यात पाच जणांचा दुर्देवी मुत्यू झाला आहे.एकजण गंभीर जखमी झाला आहे.नंदुरबारपासून काही अंतरावर असलेल्या पिंपळोद गावाजवळ ही घटना घडली आहे.
अधिक माहिती अशी,नंदुरबार-धानोरा रस्त्यावर पिंपळोदपासून एक किमी अंतरावर एक दुचाकी नादुरुस्त झाली होती.अंधार असल्यानं दुचाकीस्वारानं मदतीसाठी आपल्या मित्रांना बोलावलं होत.मित्रांच्या दोन दुचाकी त्या ठिकाणी थांबल्या होत्या.
त्यावेळी नंदुरबारकडून धानोराकडं भरधाव वेगात जाणारी बोलेरो (जी.जे.02, झेड.झेड.0877) यावरील चालकानं रस्त्याच्या कडेला उभ्या असलेल्या युवकांना चिरडलं.तातडीने ग्रामस्थांनी जखमींना जिल्हा रुग्णालयात दाखल केलं.त्यापैकी तिघांचा जागीच मृत्यू झाला. तर दोघांचा जिल्हा रुग्णालयात मृत्यू झाला. तर एक जण गंभीर जखमी आहे.ऐन दिवाळीत एकाच गावातील तिघांचा मृत्यू झाल्यानं हळहळ व्यक्त होत आहे.
