संख : येळवी (ता. जत) येथे महादेव प्रल्हाद आवटे यांच्या शेळ्यांच्या कळपावर लांडग्याने केलेल्या हल्ल्यात दोन शेळ्या जागीच ठार झाल्या.यामध्ये 25 हजार रुपयांचे नुकसान झाले. वनविभाग व पशुसंवर्धन विभागाच्या अधिकाऱ्यांनी घटनास्थळी भेट देऊन पंचनामा केला. ही घटना बुधवारी सायंकाळी 5 च्या सुमारास घडली. येळवीत आवटी वस्तीवर महादेव आवटे राहतात. घरासमोर शेळ्यांचा कळप बांधलेला होता.बाजूच्या शेतातून दोन लांडग्यांनी शेळ्यांवर अचानक हल्ला चढवला.दोन शेळ्या जागीच ठार झाल्या आहेत.आवटे यांनी लांडग्यांना हुसकावले.
