शेती विकासाचे “आदर्श मॉडेल ; श्री बनशंकरी नर्सरी अंतराळ(बनाळी)| “Ideal Model of Agricultural Development; Shri Banashankari Nursery Space (Banali)

ऐन ऊन्हाळ्यातही निसर्गाचा हा हिरवागार परिसर रस्त्यावरुन येणाऱ्या-जाणाऱ्या लोकांचे आणि आकाशात  उडणाऱ्या पक्ष्यांचे आकर्षण ठरला आहे.शासकीय योजना यशस्वीपणे राबवत चांगले नियोजन करून उपलब्ध कमी पाण्याचा वापर ठिबकसिंचनाद्वारे केला जातो.कोरडवाहु फळझाडांची लागवड करताना कमी खर्च व शाश्वत उत्पादन मिळते याचा आदर्श सावंत यांनी दाखवून दिला आहे.
   सावंत कुटुंबियांनी शेतीतील वेगवेगळे प्रयोग यशस्वी करुन दुष्काळातील शेतीला आंबा लागवडीतून वेगळी दिशा दिली आहे.

अनेक शेतकरी आंबा बागेला भेट देत असुन त्यांच्यासाठी 100 रुपये प्रति किलो प्रमाणे आवडेल तो आंबा देण्याची व्यवस्था सावंत यांनी केली आहे.बनशंकरी नर्सरी मध्ये आंबा,चिकू,पेरु,डाळिंब, लिंबू,चिंच, सीताफळ अँपलबोर,आवळा,जांभूळ ई.कलमे व नारळ,सुपारी,फणस, काजूची रोपे तसेच गुलाब, मोगरा, सोनचाफा, जास्वंद ही फुलांची झाडे आणि सायकस,मोरपंखी, ख्रिस्तमस ट्री,फायकस,क्रोटान,अरका पाम फाक्सटेल यासह विविध प्रकारची शो,कुंडीतील रोपे विक्रीसाठी उपलब्धं आहेत. शेतकऱ्यांनी त्याचा लाभ घ्यावा असे आवाहन श्री. सावंत यांनी केले आहे.कठोर मेहनतीचे हे फळ असले तरी सावंत कुटुंबिय  यशाचे श्रेय कृषी अधिकारी महोदयांना देतात “गुरुविणा कोण दाखविल वाट”या उक्तीप्रमाणे योग्य मार्गदर्शन असल्यानेच आम्ही यशस्वी झालो असे त्यांना वाटते.एकूणच बनाळी-अंतराळच्या फोंड्या माळरानावर दिमाखात बहरत चाललेली “बनशंकरी नर्सरी  व केशर आंबा फार्म” ग्रामीण भागातील शेती विकासाचे “आदर्श मॉडेल ” म्हणून नावारूपाला येत आहे.हा फार्म परिसरातील शेतकऱ्यांना निश्चित पणे मार्गदर्शक ठरेल.