रेवनाळ हायस्कूलच्या कबड्डी स्पर्धेचा प्रांरभ
शेगाव : रेवनाळ हायस्कूल, ता. जत येथे आयोजित तालुकास्तरीय कबड्डी स्पर्धेचे उद्घाटन आमदार विक्रमसिंह सावंत यांच्याहस्ते करण्यात आले.यावेळी आ.सावंत यांनी खेळाडूंना शुभेच्छा देवून त्यांचे मनोबल वाढवले.उत्साही खेळाडूंसोबत संवाद साधताना त्यांच्यातील उत्साह, जिद्द आणि तयारी पाहून खूप आनंद झाला. या अशा स्पर्धा केवळ खेळाडूंच्या शारीरिक क्षमतेचा कस लावणाऱ्या नाहीत, तर त्यांच्या मानसिक बळाच्या देखील आहेत.
खेळ आणि क्रीडाक्षेत्राचे महत्त्व लक्षात घेऊन अशा स्पर्धा गावखेड्यांमध्ये होत राहाव्यात, यासाठी आम्ही सर्व नेहमीच प्रयत्नशील राहू.या अशा स्पर्धांमुळे नक्कीच भविष्यात तालुक्यातील खेळाडूंना देश पातळीवर संधी मिळेल.
यावेळी कार्यक्रमाचे अध्यक्ष प्राचार्य आर. एस. चोपडे सर व कृषी उत्पन्न बाजार समितीचे सभापती सुजय नाना शिंदे , डी सी सी बँकेचे संचालक राम सरगर,मा सभापती संजीवकुमार सावंत,म दे अ हो शिक्षण संस्थेचे जेष्ठ सल्लागार ए एम वाघमोडे, जतचे पोलीस निरीक्षक सुरज बिजलीसो व इतर अधिकारी आणि आजी माजी सरपंच, ग्रामपंचायत सदस्य व क्रीडाप्रेमी उपस्थित होते.
