गुगवाड,संकेत टाइम्स : गुगवाड ता.जत येथील भाजपाच्या विद्यमान ग्रामपंचायत सदस्या सौ.रत्नव्वा गिरमल्ला अंदानी यांनी कॉग्रेसमध्ये प्रवेश केला.
गेल्या अनेक दिवसापासून गावातील पक्ष नेतृत्वावर नाराज असल्याने व कॉंग्रेस प्रणीत पँनेलचे धोरण विकासात्मक असल्याने मी कॉग्रेसमध्ये प्रवेश केल्याचे रत्नव्वा अंदानी यांनी सांगितले.
कॉग्रेसचे तालुकाध्यक्ष आप्पाराया बिराजदार, कार्याध्यक्ष नाना शिंदे,नगरसेवक भूपेंद्र कांबळे,मारूती पवार यांनी सौ.अंदानी यांचे स्वागत केले.यावेळी त्यांचा सत्कार करण्यात आला.
नुकतीच गुगवाड ग्रामपंचायतीच्या एका रिक्त जागेसाठी पोटनिवडणूक झाली आहे.त्यात भाजपाचा सदस्य निवडून आला होता.आता कॉग्रेसने विरोधी गटाचा एका सदस्यांला आपल्याकडे वळविण्यात यश मिळविले आहे.
