जत : बाज येथील समाधान दऱ्याप्पा गावडे (वय १८) या युवकाचा विहिरीत बुडून मृत्यू झाला. ही घटना बुधवारी दुपारी घडली आहे.समाधान गावडे हा बाज
येथे रहावयास होता. तो दुपारी आपल्या मित्रासह बाज कुंभारी रस्त्यावर ३ कि.मी.अंतरावर असलेल्या एका विहिरीवर पोहण्यासाठी गेला होता.
सदर विहिरीत पाणी भरपूर असल्याने समाधानने विहिरीत उडी मारली. पाण्याचा अंदाज न आल्याने त्याच्या डोक्याला दुखापत झाली असावी,त्यातच त्याचा बुडून मृत्यू झाला असावा, असा पोलिसांचा अंदाज आहे.