‘जत अंनिस’कडून प्रभाकर सनमडीकर यांना आदरांजली

0

जत,(प्रतिनिधी): जत तालुका अंधश्रद्धा निर्मूलन समितीच्यावतीने संघटनेचे अध्यक्ष व सामाजिक कार्यकर्ते प्रभाकर सनमडीकर यांना आदरांजली वाहण्यात आली. जत येथील बौद्ध विहार येथे झालेल्या कार्यक्रमात विविध सामाजिक संस्था-संघटना व अंनिसचे कार्यकर्ते उपस्थित होते.





 सदर प्रसंगी प्रा.चंद्रसेन माने पाटील यांनी प्रभाकर सनमडीकर हे आगळेवेगळे व्यक्तिमत्व होते.ते कोणत्याही सामाजिक प्रश्नासाठी पुढाकाराने सहभाग घेऊन , सर्वांना एकत्रित करुन एकोप्याने पुढे नेण्याचा प्रयत्न करत होते.त्यांचा दांडगा जनसंपर्क होता. अंनिस च्या माध्यमातून त्यांनी भरीव काम जत तालुक्यात केले.त्यांचे विचार अंनिस व आम्ही पुढे नेण्याचा प्रयत्न करु. श्रद्धा सनमडीकर यांनी अंनिसचे कार्य पुढे नेण्याचा व त्यांचे विचार सर्वसामान्यांना न्याय देण्याच्या भुमिकेतून पुढे चालवणार ,अशा भावना व्यक्त केल्या.







Rate Card

अंनिस चे कार्याध्यक्ष इब्राहीम नदाफ यांनी प्रभाकर सनमडीकर यांचे कार्य अतुलनीय होते. चाकोरीबाहेर जावून सर्वांना सामावून घेऊन,एकोपा व जवळीकता निर्माण करुन काम करण्याचे धाडस व कसब होते,असे म्हणाले.






 सुधिर चव्हाण, सुनिल सुर्यवंशी यांनी प्रास्ताविक केले व रवि सांगोलकर यांनी आभार मानले.यावेळी कॅ.विजय कुरणे,दत्तात्रय शिंदे, डॉ. एस. एन.राव ,अर्जुन कुकडे,बबन कांबळे,गोरख कांबळे, विष्णू रास्ते येळवी, सिद्धार्थ सनमडीकर,शारदा कांबळे, कमल ऐदाळे, नंदादीप कांबळे व पत्रकार नजीरभाई चट्टरगी व हरिष शेटे उपस्थित होते.




shree ram advt

Leave A Reply

Your email address will not be published.

कॉपी करू नका.