घातक हत्यारे बाळगणाऱ्या संशयीत इसमांची माहिती काढून त्यांच्यावर कारवाई करण्याचे आदेश अधीक्षक बसवराज तेली यांनी दिले आहेत. या अनुषंगाने दि.२१ रोजी स्थानिक गुन्हे अन्वेषण शाखेकडील सहायक पोलीस निरीक्षक पंकज पवार यांच्या पथकातील हवालदार सागर लवटे यांना गोपनीय बातमीदारामार्फत माहिती मिळाली की, राजकुमार पांडुरंग पाटोळे (वय २७ रा.नांगोळे, ता. कवठेमहांकाळ) या रेकॉर्डवरील गुन्हेगाराने अवैध अग्निशस्त्र (पिस्तुल) बाळगले असून तो नागज फाटा येथे येणार आहे.