यावेळी जिल्हाधिकारी डॉ. राजा दयानिधी यांच्या समवेत जिल्हा पोलीस अधीक्षक संदीप घुगे, उपजिल्हा निवडणूक अधिकारी निता शिंदे, उपजिल्हाधिकारी दादासाहेब कांबळे यांच्यासह सार्वजनिक बांधकाम विभागाचे अधिकारी उपस्थित होते.
मत मोजणीच्या अनुषंगाने या ठिकाणी आवश्यक ती सर्व कामे निर्धारित वेळेत पूर्ण करावीत. मत मोजणी केंद्राच्या ठिकाणी आवश्यक त्या सेवा सुविधांबाबत संबंधितांनी योग्य ती खबरदारी घ्यावी, अशा सूचनाही जिल्हाधिकारी तथा जिल्हा निवडणूक अधिकारी डॉ. राजा दयानिधी यांनी यावेळी दिल्या.
