माडग्याळमध्ये गोपीचंद पडळकरांची भावनिक साद
माडग्याळ : जत विधानसभा मतदारसंघाचे महायुतीचे अधिकृत उमेदवार आ.गोपीचंद पडळकर यांच्या प्रचाराचे शुभारंभ माडग्याळ येथे स्वतः गोपीचंद पडळकर यांच्या हस्ते ग्रामदैवत असलेल्या श्री महादेव मंदीरात श्रीफळ फोडून करण्यात आला.यावेळी गोपीचंद पडळकर समर्थकांनी यांची माडग्याळ नगरीतून भव्य मिरवणूक काढण्यात आले.आमदार गोपीचंद पडळकर यांना माडग्याळ मधुन प्रचंड प्रतिसाद पाहण्यास मिळाला.
यावेळी गोपीचंद पडळकर यांनी जनतेला माडग्याळ मधून मताधिक्य देण्याचे आवाहन केले. ते म्हणाले की, राज्यात महायुतीचे सरकार नागरिकांसाठी नवनविन कल्याणकारी योजना आणत आहे.मुख्यमंत्री लाडकी बहिण योजना सारखी महिलांना स्वावलंबी बनवणारी योजना महायुती सरकारच्या काळात सरकारने आणली आहे.
आपल्याकडून आशिर्वाद मिळाल्यास जत चा सर्वांगिण विकास करण्याची माझी जबाबदारी असून माडग्याळसाठी पण जनता जे सुचवले ते प्रकल्प राबविले जाईल.माडग्याळ मेंढी सारखी प्रसिध्द मेंढीची जात माडग्याळ परीसरात आहे येणाऱ्या काळात माडग्याळ मेंढी पैदास केंद्राची निर्मिती माडग्याळमध्येच केली जाईल याची हमी गोपीचंद पडळकर यांच्याकडून देण्यात आली.
