उटगी येथील उटगी ते लवंगी कारखाना रस्त्यावरील इराप्पा चनबसप्पा बासरगाव यांच्या घरात कोणीही नसल्याचा फायदा घेत दिवसाढवळ्या चोरी करून चार तोळे सोने,चांदी आणि 80 हजाराची रोकड असे दीड लाखाची चोरी करत धूम ठोकली .याबाबतचे अधिक माहिती अशी की, दुपारी बाराच्या सुमारास उटगी पासून तीन किलोमीटर अंतरावर असलेल्या उटगी ते लवंगी रस्त्याच्या लगतच असणाऱ्या इराप्पा बासरगाव यांच्या घराचे कुलूप फोडून चार तोळे सोने ,चांदी आणि ऐंशी हजाराची रोकड असा किंमती माल चोरी करून अज्ञात इसमानी धूम ठोकली यामुळे खळबळ माजली असून परिसरात भीतीचे वातावरण आहे .बासरगाव कुटुंबीय शेतीची कामे करण्यासाठी शेतात गेले होते. घरात कोणीही नसल्याचा फायदा घेत दिवसाढवळ्या घर फोडून चोरीची घटना घडल्याने आश्चर्य व्यक्त होत आहे