कॉलेजभोवती रोडरोमिओंचा उच्छाद ! | जतेत एकादी निर्भया झाल्यावर पथक कार्यान्वित करणार काय पोलिस
मात्र जत पोलीसांचे पथक सध्या कोमात गेले आहेत. त्यामुळे पालकांच्या जीवाला घोर लागला आहे.दोन वर्षे कोरोनामुळे बंद असलेले महाविद्यालये,ज्यू कॉलेज,माध्यमिक शाळा आता पुर्ण क्षमतेने सुरू झाल्या आहेत.महाविद्यालये सुरू होताच कॉलेज व शाळांचा परिसर, बसस्थानक, बस थांबे येथे मुलींची रोडरोमिओंकडून छेडछाड तसेच अश्लील शेरेबाजी, मुलींना पाहून गाड्या जोरात दामटण्याचे प्रकार सर्रास सुरू झाले आहेत.
मात्र, या प्रकाराकडे पोलिसांचे दुर्लक्ष होत असून रोडरोमिओंवर खास लक्ष ठेवण्यासाठी नेमण्यात आलेले निर्भया पथक’ कायम कार्यरत राहणे गरजेचे आहे. त्यांच्याकडून अपेक्षीत कारवाई होताना दिसत नाही. त्यामुळे विद्यार्थिंनींसमोर शिक्षण घेण्यासाठी कॉलेजला ये-जा करणे अवघड बनले आहे.पालकांच्यात भितीचे वातावरण पसरले आहे.
टपोरी तरूणांचा उच्छांदकॉलेज सकाळी 7 वाजता तर काही आकरा वाजता सुरू होतात. त्यापूर्वीच कॉलेजच्या रस्त्याला आणि गेटच्या आसपास परिसरातीलच काही मुले घुटमळत असतात. रस्त्यावरून ये-जा करताना आम्हाला छेडतात. आम्हाला पाहून गाड्या जोरात मारणे, शिट्ट्या मारणे तसेच अश्लील भाषेत बोलतात. त्यामुळे आम्हाला कॉलेजला येणे खूपच अवघड झाले आहे,कॉलेज बंद होईल आम्ही घरी सांगत नाही,त्यामुळे टपोरीचा उच्छांद वाढला आहे,असे काही विद्यार्थींनी सांगितले.