स्वतः साठी सगळेच जगतात, मात्र इतरांसाठी जगण्याचा आनंद काही वेगळाच असतो.डॉक्टर म्हणजे देव असतो,त्याला देवत्व देणाऱ्या शेकडो रुग्णांना बरे करणारे उमदी परिसरातील प्रसिद्ध वैद्यकीय व्यवसायिक डॉ.रविंद्र एल.हत्तळी हे व्यक्तित्व होय,परिसरातील हाजारो रुग्णासाठी देवमाणूस असलेले डॉ.हत्तळी यांच्या उमदी येथील सरस्वती क्लिनिक यांच्या दवाखान्याला २४ वर्षे आज पुर्ण होत आहेत.त्यानिमित्त डॉ.हत्तळी यांच्या २४ वर्षातील लोकसेवेचा थोडक्या आढावा..
दवाखाना म्हटलं की सर्वसामान्य माणसाला आर्थिक कसरत करावी लागते. वैद्यकीय क्षेत्रात रुग्णांची अनेकवेळा लूट झाल्याचे निदर्शनास येते शिवाय मानसिक त्रास वेगळाच अनुभवास येतो. हृदयशून्य व्यावसायिक स्पर्धेत काही संवेदनशील व्यक्तीचं सुद्धा दर्शन घडतं. असेच जत सीमावर्ती,ग्रामीण भाग असलेल्या उमदी येथील सामाजिक आरोग्य जपणारा देवमाणूस डॉ.रविंद्र एल.हत्तळी यांचं अतुलनीय कार्य प्रेरणादायी आहे.(बीएच एमएस,डी फार्म,सी सी एच,सी सी एम पी)शिक्षण घेतलेले डॉ.हत्तळी यांचा उमदी परिसरातील वैद्यकीय क्षेत्रात हातकंडा आहे.
डॉ.हत्तळी उमदी येथील प्रसिद्ध जनरल
स्पेशालिस्ट तज्ञ आहे.उंच सडपातळ देहयष्टी असलेल्या डॉ.हत्तळी यांच्या चेहऱ्यावरील मंद स्मित रुग्णांचा ताण हलका करते.त्यांच्या क्लिनिक मध्ये प्रवेश करताच हळू आवाजातील सुमधुर संगीत ऐकून मन प्रसन्न होतं.वैद्यकीय व्यवसाय सांभाळताना सामाजिक बांधिलकी जपणारी मंडळी अभावानेच आढळतात. मात्र डॉ.हत्तळी यांनी शरीर आणि मन या दोन्ही पातळ्यांवर रुग्णांचं दुःख हलकं करण्याचा प्रयत्न करतयं. रुग्णांप्रती त्यांची वागणूक ही अतिशय सौजण्यपूर्वक, नम्र असते.तपासणी करताना ते मानसशास्त्रीय कौशल्याचा उपयोग करीत रुग्णांच्या अंत:र्मनाचा ठाव घेतात. व्यसना विषयी आवर्जून चौकशी करतात. त्यांना बोलकं करतात.शिस्तबद्ध तपासणी करून योग्य कौटुंबिक सल्ला देतात.त्यांच्या उपचाराने वेदना तर संपतातच उलट ते मनोबल वाढवितात. रुग्णांना मोकळा ‘ श्वास ‘ घेण्याकरिता आत्मविश्वास निर्माण करतात. शिस्तबद्ध आयुष्य जगण्याचा ‘ कानमंत्र ‘ देतात. गरजू गरीब रुग्णांचा ‘ आवाज ‘ बनतात. त्यांची कृती जीवनातील निखळ आनंद टिकवून ठेवण्याची, जीवनाकडे बघण्याची सकारात्मक दृष्टी जागविते. उपचार करताना डॉ.हत्तळी माणसं वाचतात. त्यांच्यातील सर्जनशीलता रुग्णांमध्ये जगण्याची नवी उमेद निर्माण करतात.डॉ.हत्तळी हे कृतिशील व्यक्तित्व. भल्या पहाटे योगा, व्यायामाने त्यांच्या दिनचर्येस प्रारंभ होतो.४८ व्या वर्षीय तरूणतुर्क डॉक्टरची आजच्या युवापिढीला लाजवेल अशी जीवनशैली. वेळेचे महत्त्व इतरांना सांगताना स्वतः त्याची आधी अंमलबजावणी करतात.जवळपास पाच दशकं त्यांनी गरजू रुग्णांची अविरत सेवा केली.आजही तेवढ्याच उत्साहाने गरजू रुग्णांपर्यंत पोहचतात. डॉ.हत्तळी यांचा बालपण ते शैक्षणिक प्रवास सोलापूर, मुंबई पुणे असा झाला. शिक्षण पूर्ण झाल्यानंतर सन 2 ऑगष्ट 1998 मध्ये उमदी ता.जत येथून खाजगी दवाखाना सुरू करून त्यांनी एकप्रकारे मोठ्ठं आव्हान स्विकारलं.
साधी राहणी, उच्च विचारसरणी ही नीतिमूल्ये त्यांच्या आयुष्याला वैचारिक आकार देऊन गेली.खादी , स्वदेशी वस्तूंचा प्रसार करणाऱ्या डॉ.हत्तळी यांच्या मध्ये अनेक जण ‘ म.गांधी ‘ शोधतात.डॉ.हत्तळी हे रुग्णसेवेबरोबर सामाजिक बांधिलकी जपण्याचे काम करत आहेत.लायन्स क्लब उमदीत स्थापना करून त्या माध्यमातून विविध उपक्रम राबवत, वैद्यकीय सेवा नियमित देत असून चैतन्यमूर्ती डॉ.हत्तळी यांचा सेवेचा यज्ञ अविरत सुरू आहे.डॉक्टर रविंद्र हत्तळी यांना तीतकीच साथ देणाऱ्या त्यांच्या पोपेसर पत्नी भारती हत्तळी यांचे योगदान महत्वपूर्ण ठरत आहे.त्यांचा मुलगा देखील त्याच तळमळीने खंबीरपणे साथ देवून गौरवशाली वारसा पुढे चालविण्यासाठी प्रयत्न करील ही बाब नक्कीच अभिमानाची आहे.
लायन्स क्लबचा विस्तार वाढविला
लायन्स क्लबने डॉ.हत्तळी यांच्या कामाची दखल घेत,त्यांना झोन चेअरमन(२०१४-१५),रिझन चेअरमन (२०२१-२२),क्लब टोक्सटेनशन चेअरमन(२०२२-२३) या पदावर काम करण्याची संधी दिली आहे.या संधीचे सोने करत डॉ.हत्तळी यांनी लायन्स क्लब उमदी सर्वोदय, लायन्स क्लब उमदी आदर्श, लायन्स क्लब उमदी ग्रेपसिटी,लायन्स क्लब सिनर्जी मिरज,लायन्स क्लब पलूस,लायन्स क्लब माडग्याळ सिटी,लायन्स क्लब कडेगाव असे ८ नव्या क्लबची स्थापना केली.
डॉ.रविंद्र हत्तळी यांचा गौरव
• बेस्ट रिजन चेअरमन(२०२१-२२)
• बेस्ट मोतीटिवेटर(२०२१-२२)
• मुंबई वगळता संपूर्ण महाराष्ट्र राज्यामध्ये .मोस्ट dedicated Lion. म्हणून प्लँटिनिअम अवार्ड देऊन गौरव. औरंगाबाद येथे एप्रिल 2022 रोजी सत्कार करण्यात आले
• उमदी भूषण(उमदी ग्रामपंचायती तर्फे)
• उकृष्ट वैद्यकीय सेवा पुरस्कार २०२२(संजय तेली फांऊडेशन)
• सामाजिक, शैक्षणिक कार्याबद्दल गौरव(सर्वोदय शिक्षण संस्था,लायन्स क्लब उमदी कडून)
• अफ्रेशिसन आवार्ड (२०१७-१८)
• एक्सलंट स्पोर्ट आवार्ड(२०१६)
• सन्मानचिन्ह(२०२१)जनरल मेडिकल प्रॉक्टीशिनर्स सांगली कडून
डॉ.रविंद्र हत्तळी यांचा सामाजिक संस्थातील सहभाग
• संस्थापक/उपाध्यक्ष ; लायन्स क्लब, उमदी
• सेक्रेटरी ; लायन्स चँरिटेबल ट्रस्ट,उमदी
• माजी अध्यक्ष ; लायन्स क्लब,उमदी
• सेक्रेटरी ; रितुराज चँरिटेबल ट्रस्ट, उमदी
• सेक्रेटरी ; उमदी मेडिकल असोसिएशन, उमदी
• जी.पी.फार्म ; संघटना,सांगली
• सदस्य ; HIMPA मेडिकल,असोसिएशन, सांगली
• खनिजदार ; तेली समाज संघटना,उमदी
• संस्थापक ; भारती नर्सिंग होम व सरस्वती क्लिनिक,उमदी
