अल्पवयीन मुलीवर लैंगिक अत्याचार केल्याप्रकरणी आरोपीला ८ वर्षे सक्त मजुरीची शिक्षा

0

सांगली : अल्पवयीन मुलीवर लैंगिक अत्याचार केल्याप्रकरणी आरोपीला ८ वर्षे सक्त मजुरीची शिक्षा सुनावण्यात आली. सांगलीतील जादा विशेष जिल्हा अति(पोक्सो कोर्ट) डी. एस. हातरोटे यांनी हा निकाल दिला आहे.एम.आय. डी. सी. कुपवाड पोलीस स्टेशन हद्दीतील आरोपी शिवाजी बसवण्णा इंगवले,(वय २३, रा. हनुमान मंदिराजवळ,दुर्गानगर एम.आय.डी.सी., मिरज, ता. मिरज, जि. सांगली) हा विवाहित असून त्याची पत्नी

घरात असताना आरोपीने अज्ञान पिंडीतेस पळवून नेऊन तिच्यावर जबरदस्तीने लैंगिक अत्याचार केल्याने त्याच्यावर भा.द.वि.स. कलम ३७६ व बाल लैंगिक अपराधापासून संरक्षण अधिनियम कलम ४ अन्वये आरोप सिद्ध झाल्याने आरोपीस ८ वर्षे सक्त मजुरीसह तुरुंगवासाची शिक्षा व रक्कम रुपये १५ हजार दंड व त्यापैंकी रुपये १२ हजार पिडीत मुलीस देणेचा आदेश केलेला आहे.दंड न भरल्यास आणखी १ वर्ष सक्तमजुरीची शिक्षा ठोठावली आहे.यामध्ये सरकारपक्षातर्फे अतिरिक्त सरकारी वकील अँड. रियाज एस.जमादार यांनी संपूर्ण काम पाहिले.

Rate Card
यात थोडक्यात हकीकत अशी की, प्रस्तुत कामातील आरोपी शिवाजी बसवण्णा इंगवले हा रिक्षा व्यवसाय करीत असून तो पिडीत मुलीच्या गल्लीतच राहणारा इसम आहे.पिडीत मुलगी ही तिच्या घराबाहेर गेली असता आरोपीने त्याच्या मित्राच्या सहाय्याने जबरदस्तीने तिला जीवे मारण्याची धमकी देऊन त्याच्या रिक्षात घातले व दंगा केलीस तर तुझ्या भावाला ठार मारेन अशी धमकी दिली. त्यामुळे ती आरडा-ओरडा करु शकली नाही.पिडीत मुलीला रिक्षातून जोतीबाला घेऊन गेले व तेथून कागल, जि. कोल्हापूर येथे एक खोलीत नेऊन ठेवले व बळजबरीने तिचे इच्छेविरुद्ध तिला व तिच्या भावास जीवे मारणेची धमकी देऊन तिच्यावर लैंगिक अत्याचार केला.दुस-या दिवशी आरोपीची रिक्षा त्याचा मित्र घेऊन येत असताना दिसला त्यास पिडीत मुलीचे बंधू व त्याच्या मित्रांनी पकडून चार चाकी गाडीत घालून आरोपी कुठे आहे हे दाखविण्यास सांगितले. त्याप्रमाणे त्याने कागल येथील खोली दाखवली.
त्या ठिकाणी पिडीताचे बंधू व त्याचे मित्र गेले असता आरोपीने पळून जाण्याचा प्रयत्न केला. या सर्वांनी आरोपीला पकडून एम.आय.डी.सी. कुपवाड येथे पोलीसांच्या ताब्यात दिले. दरम्यान पिडीत मुलीचे वडिलांनी संबंधित पोलीसांकडे वर्दी दिली.सरकारी अभियोक्ता रियाज एस. जमादार यांनी मे. न्यायालयात एकूण १० साक्षीदार तपासले. त्यामध्ये पिडीता, तिचे वडिल, डॉ. विकास देवकाते व डॉ. विना गवळी यांची साक्ष महत्वाची ठरली.गुन्ह्याचा तपास एम. आय.डी.सी. कुपवाड पोलीस स्टेशनचे पोलीस निरीक्षक ए.ए.भवड व पोलीस उपनिरीक्षक के. एम. गायकवाड यांनी केलेला असून सदर स्टेशनचे कॉन्स्टेबल अशोक भ. कोळी, पैरवी कक्षाचे पोलीस हवालदार वंदना मिसाळ यांचे सहकार्य मिळाले. आरोपीवर गुन्हा सिद्ध झाल्याने आरोपीला दोषी धरुन मे. विशेष न्यायाधिशसो डी. एस. हातरोटेसो यांनी आरोपीस वरीलप्रमाणे शिक्षा ठोठावली.

shree ram advt

Leave A Reply

Your email address will not be published.

कॉपी करू नका.