जत : जत तालुक्यातील सोन्याळ येथील सुरेखा हणमंत पुजारी (वय ४५ रा. उटगी) यांचा शेततळ्यात बुडून मृत्यू झाल्याची दुर्देवी घटना घडली आहे.याबाबतची फिर्याद सिद्धनिग हणमंत पुजारी याने उमदी पोलिसांत दिली आहे.
पोलीसांनी दिलेली अधिक माहिती अशी,मुळ उटगीचे असलेले पुजारी कुटुंबीयांची सोन्याळ हद्दीत शेती आहे. सुरेखा पुजारी शेतात गेल्या होत्या. त्या कुठे दिसेनात म्हणून कुटुंबियांनी शोधाशोध केली यावेळी शेततळ्यात पडल्याने पाण्यात बुडून मृत्यू झाल्याचे दिसून आले.
पोलीसांनी माहिती मिळताच घटनास्थळी पोहचत घटनास्थळाचा पंचनामा करण्यात आल्यानंतर सदरच्या महिलेचा शेततळ्यातून मृतदेह बाहेर काढण्यात आला. ग्रामीण रुग्णालयात शवविच्छेदन करण्यात आले आहे.घटनास्थळी सहाय्यक पोलीस निरिक्षक पंकज पवार यांनी भेट दिली.अधिक तपास पोलीस हेडकॉन्स्टेबल माळी करत आहेत.
