श्रीपती शुगर डफळापूर कारखान्याचे सर्व वजनकाटे अचूक 

0
1009

जत : श्रीपती शुगर अँण्ड पॉवर लि. डफळापूर येथे महाराष्ट्र शासनाच्या आदेशानुसार नियुक्त केलेल्या निरीक्षक वैधमापन विभागाच्या भरारी पथकाने दि.१५ जानेवारी २०२५ रोजी कारखान्याच्या सर्व ऊस वजन काट्यांची तपासणी केली असता सर्व काटे अचूक असल्याचा लेखी अहवाल भरारी पथकाने दिला आहे.

श्री प्रवीण धानोरकर तहसिलदार जत यांचे नेतृत्वाखालील पथकामध्ये श्री.श्रीकांत चोथे पुरवठा निरीक्षक अधिकारी, श्री.उदय श्रीमंत कोळी निरीक्षक वैधमापन शास्त्र जत, श्री. एम.डी.वझे लेखा परीक्षक श्रेणी २, श्री.टी.जे.मुल्ला पोलीस शिपाई जत पोलीस स्टेशन हे सहभागी होते. पथकाने वजन होऊन गेलेली वाहने गव्हाणी वरून परत घेऊन वजन तपासले असता त्यामध्ये तफावत आढळून आली नाही.

श्रीपती शुगर अचूक वजन आणि योग्य व वेळेवर ऊसबिल अदा करत असलेने शेतकरी वर्गातून श्रीपती शुगर ला ऊस देणेस आग्रही असतात. ह्यावेळीसुद्धा ३१ डिसेंबर अखेर आलेल्या ऊसाचे बिल अदा केले आहे. तरी शेतकऱ्यांनी श्रीपती शुगर ला ऊस पुरवठा जास्ती जास्त करावा असे आवाहन कारखाना प्रशासनाने केले आहे.

यावेळी कारखान्याचे जनरल मॅनेजर श्री.महेश जोशी, चिफ श्री.इंजिनीअर यशवंत जाधव, एच.आर मॅनेजर श्री.रणजीत जाधव, इस्टृमेंट मॅनेजर श्री.प्रवीण कौलापूर, केनयार्ड सुपरवायझर श्री नशीर मलाबादे  यांचे सह सर्व अधिकारी, ऊस वाहतूकदार व शेतकरी उपस्थित होते 

Team Sanket Times

LEAVE A REPLY

Please enter your comment!
Please enter your name here