कोरोनाची साखळी रोखण्यासाठी प्रशासनाने कठोर भूमिका : संजय कांबळे

जत,प्रतिनिधी : सांगली जिल्ह्यातील कोरोना पाॅझीटीव्ह रूग्णाची वाटचाल ही  एक हजारच्या उंबरठ्यावर येऊन पोहचत असून कोरोनाने जिल्ह्यात आजपर्यंत पंचवीस लोकांचा बळी गेला आहे. जिल्ह्यातील लोकांना कोरोना या महामारीचे गांभीर्य वाटत नसल्याने कोरोनाचे रूग्ण दिवसेंदिवस वाढतच चालले आहेत.

जिल्ह्यातील कोरोनाची साखळी रोखण्यासाठी प्रशासनाने कठोर भूमिका घ्यावी,असे आवाहन रिपब्लिकन पार्टी ऑफ इंडियाचे आठवले गटाचे जिल्हा अध्यक्ष संजय कांबळे यांनी केले आहे
सांगली जिल्ह्याच्या शेजारी असलेल्या कर्नाटक राज्यातील विजयपूर व बेळगाव तसेच जिल्ह्याच्या शेजारील सोलापूर जिल्ह्यात कोरोनाचे पाॅझीटीव्ह रूग्ण मोठ्या प्रमाणात आढळून येत आहेत.जिल्हा प्रशासनाने कोरोनाचे पार्श्वभूमीवर बाहेरून सांगली जिल्ह्यात येणारे व सांगली जिल्ह्यातून बाहेरच्या जिल्ह्यात जाणारे लोकांवर जिल्हाबंदी केली असतानाही मोठ्या प्रमाणात बाहेरील लोक हे कोणत्याना कोणत्या कारणाने जिल्ह्यात प्रवेश करित आहेत.

जत तालुक्यात पुन्हा 8 जण कोरोना बाधित,जतची संख्या 105 | गुलगुंजनाळ,कोतेंबोलाद,जत प्रत्येकी एकजण,निगडी खुर्द,धावडवाडी,उमदीतील प्रत्येकी दोघाचा समावेश |

यामध्ये कोरोनाचे हाॅटस्पाॅट असलेल्या मुंबई व पुणे येथील लोकांची संख्या मोठी आहे. यातील काही लोक हे प्रशासनाची परवानगी घेऊन जिल्ह्यात प्रवेश करित आहेत. तर बहुतांशी लोक प्रशासनाची नजर चुकवून जिल्ह्यात येत आहेत
अशा लोकांमुळेच जिल्ह्यातील गावोगावी कोरोना पोहचत चालला आहे.सांगली जिल्ह्यातील जत तालुका कर्नाटक राज्याच्या सिमेवरील तालुका असल्याने या तालुक्यात वैद्यकिय उपचाराच्या नावाखाली कर्नाटकातून मोठ्या प्रमाणात लोक प्रशासनाची नजर चुकवून दुचाकी वाहनावरून चोरट्या मार्गाने येत आहेत. 

स्वयंस्फूर्तीने स्वयंशिस्त पाळा अन्यथा लॉकडाऊनचा पर्याय खुला ; जिल्हाधिकारी डॉ. अभिजीत चौधरी |

तसेच जत तालुक्याच्या शेजारील सोलापूर जिल्ह्यातील लोकही प्रशासनाची नजर चुकवून चोरट्या मार्गाने जत तालुक्यात प्रवेश करित असल्याने भविष्यात जत शहर हे कोरोनाचे हाॅटस्पाॅट झाल्याशिवाय राहणार नाही. यासाठी प्रशासनाने जिल्ह्यात येणारे व जिल्ह्यातून बाहेर जाणारे लोकांवर कारवाई करण्यासाठी कठोर भूमिका घ्यावी,असे आवाहन कांबळे यांनी केले आहे.