संख : जतच्या राजकारणातील जेष्ठ नेते,सांगली जिल्हा परिषदेचे माजी उपाध्यक्ष संख (ता. जत) येथील बसवराज सिद्दगोंडा पाटील (वय ६५) यांचे मंगळवारी (दि.१९) रोजी सकाळी कर्नाटकातील विजापूर येथील रुग्णालयात निधन झाले.पाटील यांच्या निधनामुळे पुर्व भागातील ४६ वर्षानंतर जनतेचा आवाज थांबला आहे.बसवराज पाटील हे काका या नावाने तालुक्यात प्रसिद्ध होते.
२००७ च्या जिल्हा परिषद, पंचायत समिती निवडणुकीमध्ये संख गटातील तिन्ही जागा जिंकल्या होत्या.१९८९ मध्ये निलांबिका बसवेश्वर शिक्षण संस्थेची स्थापना केली.२००४ मध्ये जनसुराज्य पक्षात प्रवेश केला.जनसुराज्य शक्ती पक्षाचे पश्चिम महाराष्ट्र संपर्कप्रमुख म्हणून काम केले. २०१२ मध्ये राष्ट्रवादी जनसमुदाय पक्षाची युती झाली. त्यांच्या पश्चात पत्नी, विवाहित तीन मुली, मुलगा, सून, भाऊ, पुतण्या, नातवंडे असा परिवार आहे. उपसरपंच, सोसायटी संचालक सुभाष पाटील यांचे वडील होते. अंत्यसंस्कार बुधवारी दुपारी १२ वाजता होणार आहे.
