जत पंचायत समितीच्या कामाचे कौतुक | सर्व विभागाकडून उल्लेखनीय काम

लोकसभा सार्वत्रिक निवडणुक 2024 मध्ये सर्वानी 100 टक्के मतदानाचा हक्क बजावावा.तसेच मतदार जनजागृती अभियान सन 2024 अंतर्गत मतदारांची टक्केवारी वाढविण्याकरिता जत गटाकडील मुचंडी, सिद्धनाथ,आसंगी तुर्क, कोणते बोबलाद इत्यादी कर्नाटक सिमेलगतच्या भागांमध्ये भेट देऊन जनजागृती केली.यावेळी धोडमिसे मतदार आवाहन करताना म्हणाल्या की,येणाऱ्या लोकसभा निवडणुकीत सर्वांनी मतदानाचा हक्क बजावून सांगली जिल्ह्याची टक्केवारी वाढविण्याकरिता आपले महत्त्वाचे योगदान द्यावे.कारण मतदान करणे हे आपल्या सर्वांचे आद्य कर्तव्य आहे.

७ मे २०२४ रोजी सर्वांनी कुठेही न जाता पहिल्यांदा मतदान करणेचे आहे एक चांगले नागरिक म्हणुन मतदानाचा हक्क बजावायचा आहे.चला मतदान करुया देशाचे प्रगती करुया,आपले मुल्य मताचे दान आहे. लोकशाहीचे दान,आपले मत आपले भविष्य अशा प्रकारे भित्तीपत्रकेच्या माध्यमातून जनजागृती करण्यात आली. सीमावरती भागातील लोकांना समजेल असे मतदार जनजागृती चे फलक कन्नड आणि मराठी या दोन्ही भाषेमध्ये लावण्यात आलेले होते.परिसरातील जाणकार कन्नड भाषा येणाऱ्यांना त्यांनी कन्नड मधून मार्गदर्शन करण्यास सांगितले.

कन्नड भाषिकांना कन्नडमध्ये 7 मे 2024 रोजी कोणत्याही परिस्थितीमध्ये मतदान करण्याचे आवाहन करण्यात आले.यावेळी महिला बचत गट प्रतिनिधी,आशा सेविका, अंगणवाडी सेविका व ग्रामस्थांनी सहभाग घेतला. अनेक महिलांच्या हाती मतदान जनजागृतीचे करण्यासंबंधीचे फलक कन्नड आणि मराठी भाषेत अनेक महिलांनी सोबत आणलेले होते.त्याचबरोबर पाणीपुरवठा करणाऱ्या टँकर व पाण्याच्या उदभवाचे ठिकाण येथेही पाहणी केली व टँकर मागणी केलेल्या गावाला तत्काळ टँकर मंजुरी करण्याच्या सुचना दिल्या यावेळी पाणीपुरवठा विभागाचे कार्यकारी अभियंता श्री येवले,पंचायत समितीचे गटविकास अधिकारी आप्पासाहेब सरगर, गटशिक्षणाधिकारी अन्सार शेख,तसेच पंचायत समीतीकडील सर्व विभागांचे विस्तार अधिकारी, ग्रामविकास अधिकारी, ग्रामसेवक तसेच मोठ्या संख्येने गावातील ग्रामस्थ मतदार उपस्थित होते.