चैत्र वारीत ‘विठ्ठल’ला तुकाराम बाबांचे दुष्काळ मुक्तीचे साकडे
जत : लाखो भाविकांच्या उपस्थितीत पंढरपुरात चैत्र वारी पार पडली. या वारीत चिक्कलगी भुयार ते पंढरपूरपर्यत सर्वांचे लक्ष वेधून घेतले ते चिक्कलगी भुयार मठ येथील श्री संत बागडेबाबा यांच्या रथाने. १५ लाखाचा हा रथ संपूर्ण सागवानी रथ आहे. यावर आकर्षक कोरीव काम केले आहे. फुलांनी व लाईटच्या माळानी सजवलेला रथ, रथातील श्री ची पालखी व रथाला मारोळी येथील रेवणसिद्ध मलाबादी यांच्या मालकीच्या बैलजोडीने शोभा वाढवली.चिक्कलगी भुयार ते पंढरपूर दरम्यान हा रथ या बैलजोडीने ओढला. पारंपारिक वारीची आठवण यामुळे ताजी झाली. पंढरपूरला विठुरायाचे दर्शन घेवून हा रथ गावात येताच गावकऱ्यांनी या बैलजोडीची गावातून जंगी मिरवणूक काढली. फटाक्यांची आतिषबाजी, गुलालाची उधळण करत गावकऱ्यांनी आनंदोत्सव साजरा केला.
![Rate Card](http://sankettimes.com/wp-content/uploads/2023/08/Sanket_SANKET_MAI_20230729_3_1_.jpeg)