सांगली : बेदण्याचे पेमेंट २१ दिवसात न दिल्यास २ टक्के व्याज व्यापारी देणार, बेदाणा बॉक्स चे निम्मे पैसे देण्याची तयारी आणि ५०० ग्रॅम पेक्षा जास्त तूट धरणाऱ्या व्यापाऱ्यावर सौद्यात भाग घेण्यास बंदी घालण्याचा निर्णय सोमवारच्या बैठकीत घेण्यात आला बैठकीच्या अध्यक्षस्थानी जिल्हा उपनिबंधक मंगेश सुरवसे होते.
स्वाभिमानी शेतकरी संघटेनेच्या वतीने १७ मे रोजी जिल्हाधिकारी कार्यालयावर मोर्चा काढला होता,त्या मोर्चाची दखल घेवून जिल्हाधिकाऱ्यांच्या आदेशानुसार सांगली मार्केट कमिटीमध्ये सोमवारी दुपारी बैठक झाली या बैठकीला सचिव महेश चव्हाण, चंद्रकांत सूर्यवंशी, संचालक प्रशांत पाटील मजलेकर स्वाभिमानीचे जिल्हाध्यक्ष महेश खराडे बेदाणा असोसिएशनचे अध्यक्ष राजेंद्र कुंभार, अशोक बाफना,मनोज मालू आदी उपस्थित होते.
यावेळी खराडे म्हणाले,व्यापारी शेतकऱ्यांना दोन टक्के व्याजाने पैसे देतात मात्र बेदाण्याचे पेमेंट दोन दोन महिने देत नाहीत त्यामुळे २१ दिवसा पेक्षा उशिरा पेमेंट दिल्यास दोन टक्के व्याज लावून पेमेंट करावे , सर्व बारदनाचे निम्मे पैसे शेतकऱ्यांना मिळतात मग बॉक्स चे निम्मे पैसे शेतकऱ्यांना मिळाले पाहिजेत.५०० ग्रॅम पेक्षा जास्त तूट धरल्यास संभधित अडत दुकान दारावर कारवाई व्हायला पाहिजे, स्टोरेजमध्ये जेवढे दिवस बेदाणा ठेवला तेवढेच भाडे आकारले पाहिजे,बेदाणा दर पडणार नाहीत याची दक्षता घेतली पाहिजे. कोल्ड स्टोरेज भरली अशी आवई उठवून दर पाडू नका. तसेच द्राक्ष दलालाची नोंदणी बाजार समितीने करावी अशा आग्रही मागण्या केल्या.
प्रशांत पाटील माजलेकर,यांनी ५०० ग्रॅम पेक्षा जास्त तूट या पुढे धरली जाणार नाही ती तपासणी पथकामार्फत केली जाईल, त्यात चुकीचे आढल्यास किंवा शेतकऱ्याची तशी तक्रार आल्यास संबधित अडत दुकान दाराला सौद्यात भाग घेण्यास बंदी घातली जाईल.
बाफना म्हणाले,बेदाणा पेमेंट उशिरा देणे चुकीचे आहे.त्यामुळे ३० दिवसापेक्षा उशिरा पेमेंट दिल्यास २ टक्के व्याज देण्याची तयारी आहे,पण या पुढे आम्ही वेळेवरच पेमेंट करू अशी ग्वाही दिली.
राजेंद्र कुंभार यांनी बेदाणा बॉक्स बाबतीत निम्मे पैसे देण्याची तयारी आहे,मात्र हे पैसे खरेदीदार देणार आहेत.त्यामुळे त्याच्याशी आम्ही चर्चा करतो तसेच केवळ सांगली आणि तासगाव पुरताच हा निर्णय झाल्यास खरेदीदार दुसऱ्या मार्केटमध्ये खरेदीसाठी जातील.त्यामुळे पंडरपुर सोलापूर आणि विजापूर या ठिकाणीही हा निर्णय व्हावा अशी अपेक्षा व्यक्त केली.
शेवटी उपनिबंधक सुरवसे यांनी सांगितले, ५०० ग्रॅम पेक्षा ज्यादा तूट धरता येणार नाही पेमेंट वेळेतच करायला पाहिजे. बॉक्सचे निम्मे पैसे दिले पाहिजेत या सर्व बाबीची तपासणी करण्यासाठी पुन्हा एक महिन्यांनी बैठक घेवून या निर्णयाची अंमलबजावणी होते की नाही हे पाहू केली यावेळी संजय बेले,संजय खोळखुंबे,भरत चौगुले,उमेश मुळे,अतुल झांबरे,सुरेश वसगडे,भरत पाटील,दामाजी दुबळ,नंदू नलवडे,बाळासाहेब लिंबेकाई, हरी कांबळे, राजेंद्र मानेअजित हलिगले,सुदाम माळी, मनोज मालू, कांतिभाई पटेल,विठ्ठल पाटील आदीसह अन्य उपस्थित होते.
