भाजपचे जत येथील माजी नगरसेवक विजय ताड यांच्या हत्या प्रकरणी पोलिसांनी अटक केलेल्या संशयित चार आरोपींच्या पोलिस कोठडीत चार दिवसांची वाढ करण्यात आली.त्यांना २७ मार्चपर्यंत पोलीस कोठडी दिलेली होती. त्यांना सोमवारी न्यायालयात पुन्हा हजर केले होते. पोलिसांनी सात दिवसांची कोठडी मागितली होती.ताड यांची हत्या उमेश सावंत याने सुपारी देऊन केल्याचे पोलिस तपासात निष्पन्न झाले आहे, तो फरारीच आहे.यामुळे ताड कुटुंबीयांनी सोमवारी जिल्हा पोलीस प्रमुखांची भेट घेऊन निवेदन दिले आहे.

ताड यांना तातडीने अटक करावी अन्यथा सर्व कुटुंबीय आत्मदहन करू, असा इशारा विक्रम ताड यांनी निवेदनात दिला आहे.निवेदन पोलिस प्रमुख, जिल्हाधिकारी,मुख्यमंत्री, गृहमंत्री यांनाही दिले आहे.विजय ताड यांची १७ मार्च रोजी गावठी पिस्तूल मधून गोळ्या झाडून व दगडाने ठेचून निर्घृण हत्या करण्यात आली.संदीप उर्फ बबलू चव्हाण, किरण

चव्हाण, आकाश व्हनखडे तर निकेश उर्फ दाद्या मदने यांना न्यायालयासमोर उभे केले असता सात दिवसांची कोठडी सुनावली होती.

तीन गावठी पिस्टल व दोन वाहने ताब्यात विजय ताड खून प्रकरणाचा तपास सांगलीचे स्थानिक गुन्हे अन्वेषण विभाग करीत आहे. पोलिसांनी या तपासात संशयीत आरोपींकडून चार गावठी पिस्तूल व दोन दुचाकी वाहने जप्त केले आहेत.आरोपींनी हे तीन गावठी पिस्टल मध्यप्रदेशातून आणल्याची कबुली दिली असल्याचे सांगण्यात आले.